थु़र्मा 6:11 - थुलुङ राई

¹¹ मेकोतिमा मेर्मिमका लिबावा मु़चु़मिमलाई कोम्‍डिमा आरे र्‍वाबेट्‌मिडी, “ओरामका मोशा नुङ माम्‍चु़नीलाई डक्‍साका जेस्‍ताम गुकु थो़त्तोको।”

थु़र्मा 6:11 Referans Kwoze

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

रोमी 3:8

हाम हुम जो़पा दु़म्‍नु़ र्‍वाक्‍साका गुइ छु़ल बिइ र्‍वाक्‍साका र्‍वाक्‍ति ए। कोङनिमका गुइलाई आरेप्‍माम मुमा बेसामी। आरेप्‍माम मुमा बेट्‍पा मु़चु़मिमलाई उनी सि होम्‍साका देन्‍दे ल्‍वामी।

थु़र्मा 25:7

पावल मेसिन्‍डा रोक्‍तामा यरूशलेमलामका रोक्‍पा यहूदीमिम उ होनोलाम-आथो़लाम येम्‍सिम्‍डी, मा मेर्मिमका पावललाई हापा ङा मुमा बेट्‌मिडी। लावो मे मुमा बेट्‌मिडिम ल्‍वा आच्‍छाङा र्‍वाक्‍पा रेम्‍बोमु मेचाप्‍मिवा।

थु़र्मा 25:3

पावललाई लाम्‍दीडा ङा सेन्‍मु मुलु़ बेम्‍डिमका गुकुडला न-थो़म रेम्‍बेसाका यरूशलेमडा येसाट्‌किनी र्‍वाक्‍साका मेर्मिमका फेस्‍तसनुङ र्‍वाम्‍डिम-र्‍वाम्‍डिम ङा बेम्‍डी।

थु़र्मा 21:28

मेकोतिमा मेर्मिम आरे र्‍वाक्‍तो येम्‍डी, “इस्राएलडाम वा-ल्‍वाकनी, ख्‍लो़किनी! मु़चु़मिमलाई बान्‍तेमेनो इकीमा सामा, इकीमा डु़म्‍ला मा इकीमा सो़रनेमकु कोर्थो़लाम सीप्‍बाल्‍पा मु़चु़ ओराम ङा सो़। मेकोति कोङङा मेएँ, ओरामका ग्रीक वाङसामामिमलाई वो सो़रनेमगोडा रेड्‌डु़मी, मा माम्‍चु़नीकु सो़रनेमलाई मेसेपा दु़म्‍बेड्‌डु़म बु।”

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

थु़र्मा 15:21

हेङालोने मेराम र्‍याक्‍मा मोशाकु डु़म्‍ला ङाउ-खुउमिम बाम्‍डिलोम आथामङा शहर-शहरडा सीत्तोङा गेट्‌मिडिमका, मा खोत्‍ले घ्रो़म्‍दी नेमडा खोत्‍ले ङेम्‍सिमु-ङेम्‍सिमुनेम मेराम डात्तोङा लेडिमिम बु।”

थु़र्मा 6:13

मेर्मिमका मेरामकु दुथाम लिमा थेट्‌पामिम मेसिन्‍डा रेट्‌मिडी, मा मेर्मिमका आरे र्‍वाम्‍डी, “ओरामका माम्‍चु़नीकु नङका साट्‌मा सो़रनेम नुङ डु़म्‍लाकु कोर्थो़लाम जेमु मेडिडु़।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 9:29

मोशानुङ माम्‍चु़नी जेम्‍डिम बाइडा, मेराम गुकु चकु, लावो मेराम मु़चु़ ने बान्‍तेलामका रोक्‍ताम मेराम वो मेचकु।”

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

थु़र्मा 26:11

मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 6:10

लावो उहेम नेप्‍चीका नुङ पेललामका स्‍तिफनस जेस्‍ता, मेर्मिमका गुनुङ हाम वो जेमु ङा मेचाप्‍मिवा।

थु़र्मा 6:12

आरेसाका मेर्मिमका मु़चु़मिम, ङाउमिम नुङ यहूदीमिमकु डु़म्‍ला सीपा पातु़म्‍रीमिमलाई कोम्‍डी। मेकोतिमा स्‍तिफनसलाई चु़म्‍मिडिमा मे डोक्‍पु घ्रो़म्‍दीडा रो़-रो़न्‍थु़त्तो रेट्‌मिडी।