थु़र्मा 6:10 - थुलुङ राई

¹⁰ लावो उहेम नेप्‍चीका नुङ पेललामका स्‍तिफनस जेस्‍ता, मेर्मिमका गुनुङ हाम वो जेमु ङा मेचाप्‍मिवा।

थु़र्मा 6:10 Referans Kwoze

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

१ कोरिन्थी 2:4

आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।

यूहन्‍ना 7:46

सो़रनेम लपा मु़चु़मिमका र्‍वाम्‍डी, “मेराम मु़चु़का जेस्‍ताम होङङा सु़का वो जेम्‍डिम थो़त्तोकोम मिबु।”

लूका 1:17

गुका त्‍वारो़मडा नुङ यु़मका एलिया होप्‍मामङा दु़म्‍साका ङाचो़डाम ङादो यो, मा उनीमा लाम्‍दी बनेबु़। गुका पाप नुङ चो़मिम दु़बेडु़मी, मा र्‍वाकिमिम मेथो़पामिमलाई माम्‍चु़नीका र्‍वामिमिम थो़पा मु़चु़कु नेप्‍चीथो़ ख्‍लोकु़मी। आरेसाका गुका ङाचो़कु मु़चु़मिमलाई उनीमा लागि ङा झो़म्‍सिबेट्‌जो़लु़मी।”

थु़र्मा 7:51

“ए लु़म्‍ला मेबेडिचो़नी, लुङ होप्‍माम न-गो नुङ नोफ्‍लाका मेथो़पानी, गानी हेल्‍लो लोवो माम्‍चु़नी-पेलकु कोर्थो़लाम येम्‍सिनी। इनीमा ङाउ-खुउमिमका हाम बेम्‍डी, गानी वो मेम ङा बोनी।

थु़र्मा 5:39

लावो ओराम माम्‍चु़नीलाममिम माला ने गानी भोम्‍मु मेचाम्‍नी, मेएँ माला गानी ने माम्‍चु़नीकु कोर्थो़लाम बनिमिम दु़म।”

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 6:11

मेकोतिमा मेर्मिमका लिबावा मु़चु़मिमलाई कोम्‍डिमा आरे र्‍वाबेट्‌मिडी, “ओरामका मोशा नुङ माम्‍चु़नीलाई डक्‍साका जेस्‍ताम गुकु थो़त्तोको।”