थु़र्मा 6:1 - थुलुङ राई

¹ मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

थु़र्मा 6:1 Referans Kwoze

थु़र्मा 4:35

मेकोतिमा थु़र्मामिमलाई ग्‍वाम्‍थाल्‍मिडी, मा सु़-सु़लाई हा-हामकाम खेरेला दु़स्‍थाल्‍ला मेराम होम्‍साका मेर्मिमलाई ग्‍वाम्‍थाल्‍मिडी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

याकूब 5:9

वा-ल्‍वाकनी, कोलेका वाङमिमकु दुथाम सु़म्‍बुर्मा किट्‌नी माला गानी मुमा बेन्‍ला सो़न्‍सिनी। रेप्‍नी, निया बेपा ङाचो़ येशू ख्रीष्‍ट लाम्‍चोकोडा रोम्‍फाम्‍डिम होङङा गुमी ने योमुङा खाप्‍मिमिम बु सो़।

थु़र्मा 9:39

पत्रुस बक्‍तामा मेर्चिपनुङ लस्‍ता। पत्रुस योप्‍पाडा रोक्‍फाड्‌डामा मु़चु़मिमका गुलाई नेमडलाम बाखोपडला लम्‍डी। खोत्‍ले अर्दोमेमिमका ने तबीता मेर्मिम खोत्‍लेनुङ बाइडालो बनेबु़डु़म हुम-ये नुङ वाङमी ये रेम्‍बेत्तो पत्रुसलाई उर्मिडिमा ख्राप्‍मिडी।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

फिलिप्‍पी 3:5

गो लेतलेम नेमकाम बाङडोलो आमा कोक्‍ते खिरिरि क्रिप्‍सी दु़स्‍ताम। गो इस्राएलीमिमगोडाम बेन्‍यामिन दोचो़लाममिम। गो आच्‍छाङाम हिब्रू, हेङालोने आमा मामपाप हिब्रू सो़। डु़म्‍लाकु दुथाम र्‍वाकी माला गो मेरामडा जो़मका दोपा कोले फरिसी,

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 9:41

पत्रुसका तबीता उ ल्‍वाड्‌डा झेड्‌डु़मा हुफक्‍तु़। मेकोतिमा थो़रलु़पामिम नुङ अर्दोमेमिमलाई येड्‌डु़मिमा तबीता नु़पाङा रेम्‍बेड्‌डु़मी।

थु़र्मा 9:29

शाऊलका ग्रीक ल्‍वा जेपा यहूदीमिमलाई वो ल्‍वालामका खाल्‍थाल्‍लु़मी। मेम्‍मिमका मेर्मिमका गुलाई सेन्‍मु माल्‍थाल्‍मिडी।

थु़र्मा 5:14

माम्‍चु़नीडा थो़रलु़पा वोस्‍चो़-मेसेममिम हापा ङा मेर्मिमनुङ काम्‍सिमु चो़म्‍मिडी,

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

२ कोरिन्‍थी 11:22

हाम मेर्मिम हिब्रू? गो वो हिब्रू ङा। हाम मेर्मिम इस्राएलीमिम? गो वो मेङा। हाम मेर्मिम अब्राहामकु चो़ चु़सु़मिम? गो वो मेङा।

थु़र्मा 2:45

मेर्मिमका उनी त्‍वाकु ये-द, खाप्‍चीमिम खोत्‍लेङा भ्रेट्‌मिडी। मेकोतिमा उहेम-उहेमलाई हा-हाङको चाहेदु़स्‍ताम मेराम होम्‍साका दो़म्‍थाल्‍मिडी।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

१ तिमोथी 5:9

कोलेनुङ कोङङा लालीकुन्‍दा दु़स्‍ताम मा रु धु़म (६०) थ रोक्‍थिट्‌पा अर्दोमेकाम कोङङा अर्दोमेकु नङ र्‍याखोपडा र्‍याका।

१ कोरिन्थी 10:10

मेर्मिमगोडाम याङका बेम्‍डिम होङङा गुइ सु़म्‍बुर्मा किसिमेनु़। मेम बेम्डिमका ङा सेट्‌पा पाह्रीचो़का मेर्मिमलाई सेड्‌डु़मी।

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

थु़र्मा 6:2

मेकोतिमा मे को-न (१२) थु़र्मामिमका खोत्‍ले सीसिपामिमलाई येट्‌मिडिमा र्‍वाम्‍डी, “गुकु माम्‍चु़नीकु सिजेम दो़मु डिसाका पोमु-डुमु ग्‍वामुमिथो़ लमु जो़पा मेदु़म।

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

रोमी 12:7

थो़रलु़पामिमलाई ख्‍लो़पाका जो़होमका ख्‍लो़यु़नु़, माम्‍चु़नीकु सीसि सीमु चापाका सीसि सीट्‍नु़म बुनु़।

१ तिमोथी 5:3

उनी त्‍वापलाई रेपा सु़ वो मेबाट्‌पा अर्दोमेमिमलाई जो़होमका रेप्‍डामी।