थु़र्मा 5:42 - थुलुङ राई

⁴² मेर्मिमका हेल्‍लो लोवो सो़रनेमडा नुङ नेम-नेमडा येशू ङा ख्रीष्‍ट सो़ र्‍वाक्‍साका सीमु नुङ जो़पा-सेला दो़मु मेडिट्‌मिवा।

थु़र्मा 5:42 Referans Kwoze

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

थु़र्मा 20:20

गानी इनीमा थो़रलु़सीडा बर्तो लनी र्‍वाक्‍साका गो गानीलाई आमा नड्‌डा हाम वो मेमुर्सिक्‍साका येशूकु दुथाममिम ल्‍वा खोत्‍ले मु़चु़मिमकु ङादोडा नुङ इनीमा नेम-नेमडा लक्‍साका सीट्‌निनिम ल्‍वा ने चनिमिम ङा बु।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

थु़र्मा 8:35

फिलिपका ओराम माम्‍चु़नीकु सिजेमलामका ङा मेरामलाई येशू ख्रीष्‍टकु दुथाममिम जो़पा-सेला थो़बेन्‍मु चो़म्‍डु़।

लूका 21:37

हेल्‍लो लोवो येशूका नेम्‍फु सो़रनेमगोडा सीन्‍थाल्‍मिडी। मेम्‍मा हेल्‍लो लोवो सिन्‍था ने जैतून र्‍वाक्‍मा पोप्‍चङडला नेम सोसोसम्‍म बाप्‍डा लम्‍थाल्‍मिडी।

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

थु़र्मा 9:20

मेम्‍मा शाऊल घ्रो़म्‍दीनेममिमबाडे लस्‍तामा येशू ङा माम्‍चु़नीकु चो़ र्‍वाक्‍साका सीमु चो़म्‍डु़मी।

थु़र्मा 4:29

मेम्‍मिमका माम्‍चु़नी, मेर्मिमकु ङिमसासी मिम्‍नी, मा इनी डु़ल्‍चो़मिमलाई मेङिसाका इनी सिजेम दो़पा बनेनिमी।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

१ कोरिन्थी 2:2

गो गानीनुङ बाङडोलो येशू ख्रीष्‍ट नुङ गुमीलाई क्रूसडा चेट्‌मिडिम ल्‍वाडाम वाङमिम खोत्‍ले प्‍ल्‍वापा मुलु़ बेउतोम बाइडा।

थु़र्मा 17:18

इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

थु़र्मा 11:20

लावो मेर्मिम थो़रलु़पामिमगोडाम याङ-याङ साइप्रस टापु नुङ कुरेनी शहरडाम बाम्‍डी। मेर्मिम एन्‍टिओखिया शहरडा रोम्‍डिमा ग्रीकमिमलाई वो ङाचो़ येशूकु दुथाममिम जो़पा-सेला थो़बेट्‌मिडी।

थु़र्मा 8:5

फिलिप ने आयु़म सामरिया शहरयु़ योक्‍ता, मा मेसिन्‍डाम मु़चु़मिमलाई ख्रीष्‍टकु दुथाम जो़पा-सेला थो़बेड्‌डु़मी।

थु़र्मा 4:20

हेङालोने गुचुकु ल्‍वाच्‍चोकोम नुङ थो़च्‍चोकोम ल्‍वा मेसो़साका बुमु ङा मेचाम्‍चुकु।”

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

थु़र्मा 13:32

“माम्‍चु़नीका इकी ङाउ-खुउमिमनुङ ङादो र्‍वाम्‍डिम जो़पा-सेलाकु दुथाम गुचुकु आथा गानीनुङ सो़चुकु।

गलाती 1:16

वाङसामागोडा गोलाम जो़पा-सेला थो़बेन्‍मु लागि गुमीका उनीमा तारापाचो़ गेर्सी द्‍वाक्‍तो गोलाई रेम्‍बेम्‍डी। मेम्‍लो गो सु़नुङ वो हिलाहिसी मेबेउवा।