थु़र्मा 5:36 - थुलुङ राई

³⁶ हेङालोने ओरामडाम किचो़ ङादो वो थुदासका डोक्‍पु मु़चु़ लिस्‍तामा ब्‍ल सङ (४००) कोति मु़चु़मिम मेरामनुङ लाम्‍दिम्‍डी। चङडा मेराम मु़चु़ सेट्‌मिडी, मा गुनुङ लाम्‍दिपामिम खोत्‍ले ङा फोन्‍सिम्‍डी, मा मेकोतिङा दाम्‍मिडी।

थु़र्मा 5:36 Referans Kwoze

थु़र्मा 8:9

मेराम शहरडा सिमोन र्‍वाक्‍मा कोले मु़चु़ बाइडा। मेरामका ङादो आथामङा सामरियाडाम मु़चु़मिमलाई उ जादुका ङाङाया बु़डु़मिम बाइडा। मेरामका उ त्‍वापलाई छो़म डोक्‍पु र्‍वाक्‍थाल्‍ला।

२ पत्रुस 2:2

हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

गलाती 2:6

मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

थु़र्मा 21:38

बास्‍ता-नेहोनेम ङा रिबुसी किन्‍मु चो़म्‍पा मा ब्‍ल धु़मसङ (४,०००) रिबुसी किट्‌पामिमलाई सो़ब्‍दीथो़ लक्‍पा मिश्री गाना ङा मे डे?”

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

रेम्‍बेट्‌मिडिम ल्‍वा 17:3

मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

मत्ती 24:26

“कोङनिमका गानीलाई ‘ख्रीष्‍ट र्‍याङगो-र्‍याङगोडा बुमी’ र्‍वाम्‍डी माला मेसिन्‍डा मेलक्‍नी। ‘गुमी नेमगोनोम मेल्‍वाखोपडा बुमी’ र्‍वाम्‍डी माला वो मेराम ल्‍वाडा थो़रमेलु़नी वो।

मत्ती 24:5

हेङालोने हापा मु़चु़मिम आमा नङडा रोमी, मा ‘ख्रीष्‍ट गोङा’ र्‍वामी। मेर्मिमका हापा मु़चु़मिमलाई ताङताहेरथो़ लक्‍पा बनेबोमी।

थु़र्मा 5:35

मेकोतिमा गुका डोक्‍पु घ्रो़म्‍दीडाम मु़चु़मिमनुङ र्‍वाक्‍ता, “इस्राएलडाम मु़चु़नी, ओर्मिम मु़चु़लाई गानी हाम बोमु खाम्‍निमिम बु, मेराम इनी त्‍वाका ङा जो़होमका मिम्‍नी सो़!