थु़र्मा 5:34 - थुलुङ राई

³⁴ लावो यहूदीमिमकु डु़म्‍ला सीपा नुङ मु़चु़मिमका डोक्‍पु मिम्‍थाल्‍मिडिम गमलिएल र्‍वाक्‍मा फरिसीका डोक्‍पु घ्रो़म्‍दीडा येम्‍स्‍तामा थु़र्मामिमलाई घरिकोङ पाखानो थु़र्नी बु़डु़मी।

थु़र्मा 5:34 Referans Kwoze

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

लूका 2:46

सुलेम चङडा मेर्चिपका येशूलाई सो़रनेमडा यहूदीमिमकु डु़म्‍ला सीपा मु़चु़मिमकु थेतेडा गन्‍तासिट्‌मिडिमा मेर्मिमकु ल्‍वा थो़त्तो मेर्मिमनुङ हिलाहिसी बेत्तोङा लेट्‌मिडिम माम नुङ पापका डार्ची।

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

थु़र्मा 4:15

मेम्‍मिमका पत्रुस नुङ यूहन्‍ना मे डोक्‍पु घ्रो़म्‍दीलामका पाखाथो़ थु़र्बेट्‌मिडी, मा मेर्मिमका आरे र्‍वाक्‍पा मुलु़ बोमु चो़म्‍मिडी,

यूहन्‍ना 3:10

येशूका गुलाई र्‍वाम्‍डी, “गाना ने यहूदीमिमकु डोक्‍पु सीपा मु़चु़, मा ओराम ल्‍वा आथावो थेसिमेथेनामिम?

थु़र्मा 5:21

ओराम थो़म्‍डिमा मेर्मिम नेमसोसोका ङा सो़रनेमगोनो हुम्‍डी, मा सीमु चो़म्‍मिडी। डोक्‍पु ङाउ डु़म्‍लाचो़ नुङ गुनुङ बाट्‌पामिम घ्रो़म्‍दीनेमडा रोम्‍डी, मा मेर्मिमका डोक्‍पु घ्रो़म्‍दी मेराम र्‍वाक्‍मा इस्राएलीमिमकु खोत्‍ले ङाउमिमकु घ्रो़म्‍दी येट्‌मिडी, मा मे थु़र्मामिमलाई झ्‍यालखानलामका रेन्‍मु र्‍वाक्‍साका मु़चु़मिम थु़र्मिडी।

थु़र्मा 5:27

मेर्मिमका मे थु़र्मामिमलाई डोक्‍पु घ्रो़म्‍दीडा रेट्‌मिडिमा येम्‍सिबेट्‌मिडी, मा डोक्‍पु ङाउ डु़म्‍लाचो़का मेर्मिमनुङ हिलाबु़डु़,

थु़र्मा 5:35

मेकोतिमा गुका डोक्‍पु घ्रो़म्‍दीडाम मु़चु़मिमनुङ र्‍वाक्‍ता, “इस्राएलडाम मु़चु़नी, ओर्मिम मु़चु़लाई गानी हाम बोमु खाम्‍निमिम बु, मेराम इनी त्‍वाका ङा जो़होमका मिम्‍नी सो़!