थु़र्मा 5:31 - थुलुङ राई

³¹ इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

थु़र्मा 5:31 Referans Kwoze

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

कलस्‍सी 1:14

उनीमा तारापाचो़का गुइलाई फ्‍वामु थि सोक्‍साड्‌डामी, मेराम र्‍वाक्‍मा, इकीमा छु़लमिम हेप्‍साक्‍साड्‌डामिम सो़।

फिलिप्‍पी 3:20

लावो इकीमा नेब्‍दी ने पाह्रीला सो़। मेलामका योक्‍पा गुइलाई सेल्‍पा ङाचो़ येशू ख्रीष्‍टलाई गुइ छो़मका लथाडिमिम बु।

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

थु़र्मा 13:23

“माम्‍चु़नीका ङादो र्‍वाम्‍डिम होम्‍साका दाऊदकु चो़-चु़सु़मिमलामका इस्राएलीमिमलाई सेल्‍पा येशू रेट्‌मिडी।

थु़र्मा 4:11

गुमी ‘मेराम लुङ ङा सो़, उहेमलाई गानी नेम बनेपामिमका पार्निम बाइडा, मेराम ओम्‍लो नेमकु फारगोयु़म डोक्‍पु सुरलुङ दु़स्‍ताम बु।’

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

मर्कूस 4:12

मेम्‍मा ङा, मेर्मिमका रेम्‍मु ने रेम्‍मी लावो मेल्‍वामी, थो़मु ने थो़मी लावो थेसिमेथेन्‍मी। मेएँ माला ने मेर्मिमकु न ख्‍लोसावा, मा उनीमा छु़ल हेम्‍सावा।”

मर्कूस 2:10

लावो ओराम सुबुडाम छु़ल हेम्‍मु ओराम मिनीचो़कु मुलु़गोनो बु र्‍वाक्‍पा गानी ओरामलामकाङा चक्‍नी।” मेम्‍मिमका गुमीका मे उ ल्‍वा-खेल सोक्‍पालाई र्‍वाम्‍डी,

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

तीतस 2:10

डु़ल्‍चो़मिमका मेखुम्‍सामिनु़, लावो छो़म थो़रलु़इमिम दु़म्‍मु चाम्‍मिनु़। आरे बेसाका गुइलाई सेल्‍पा माम्‍चु़नीकु सीसि जो़पा बु र्‍वाक्‍पा मेर्मिमका खोत्‍ले ल्‍वाडा रेम्‍बोमिनु़।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”