थु़र्मा 5:3 - थुलुङ राई

³ लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

थु़र्मा 5:3 Referans Kwoze

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

थु़र्मा 5:9

पत्रुसका र्‍वाक्‍ता, “गाची निफिका हेसाका डे माम्‍चु़नी-पेलनुङ लिमा थेन्‍मु मुलु़ बेच्‍ची? रेप्‍डा, इमा वोचु़लाई क्‍लु़म्‍पामिम लाम्‍चोकोडा ङा रोम्‍फाम्‍डिम बु, मा मेर्मिमका गाना वो मेम्‍साका ङा कुर्नामिमा पाखा लनामी।”

यूहन्‍ना 13:27

यहूदाका सो़बेम रङडु़ मेडे उमा न-गोडा शैतान हुङल्‍याड्‌डा। मेम्‍मा येशूका मेरामलाई र्‍वाम्‍डी, “गाना हाम बोमु खाम्‍नामिम, मेराम दाला बे।”

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

थु़र्मा 5:4

मे ये-द मेभ्रेथु़म वो इमा त्‍वाकाम ङा बाइडा, मा भ्रेट्‌नाम खउलुङ वो इमाङा बाइडा, मा आरेप्‍माम खारी बेपा ल्‍वा हेसाका इमा नड्‌डा रोक्‍ता? गाना मु़चु़नुङ मेएँ, माम्‍चु़नीनुङ लिमा थेट्‌नाम बु।”

थु़र्मा 5:2

लावो गुका उ नाइमेकु मुलु़लामका मेरामकु थि किचो़ उमा त्‍वाकाम लागि थक्‍साका जु़ल्‍स्‍ता। मेम्‍मा घ्‍लेट्‌पा थि रेड्‌डु़मा थु़र्मामिमकु ल्‍वाड्‌डा ग्‍वाक्‍तु़मी।

लूका 22:3

मेकोतिमा को-न (१२) सीसिपामिमगोडाम कोले यहूदा इस्‍करियोत र्‍वाक्‍मा मु़चु़गोडा शैतान हुङडा।

मत्ती 13:19

लाम्‍दीडा झुक्‍पा भ्रल मेरामङा सो़, उहेमका माम्‍चु़नीकु किब्‍दीकु दुथाम सिजेम थो़सु़, लावो थेसिमेथेडु़। मेम्‍मा शैतान रोमा भ्रल फोट्‌मा होङङा जु़ल्‍मा मेरामकु नड्‌डाम सिजेम रोडु़मा ल।