थु़र्मा 5:26 - थुलुङ राई

²⁶ मेकोतिमा कप्‍तान नुङ सिपाहीमिम लम्‍डिमा थु़र्मामिमलाई मेयाल्‍साका फिट्‌मिडी, हेङालोने मु़चु़मिमका लुङका ओम्‍किमी र्‍वाक्‍साका मेर्मिम ङिम्‍डी।

थु़र्मा 5:26 Referans Kwoze

थु़र्मा 5:13

मु़चु़मिमका थु़र्मामिमकु दुथाम जो़पा ङा जेम्‍थाल्‍मिडी, लावो थु़र्मामिमकाडा रोमु मेर्मिम ङिम्‍थाल्‍मिडी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

थु़र्मा 5:24

सो़रनेमडाम कप्‍तान नुङ ङाउ डु़म्‍लाचो़मिमका ओराम ल्‍वा थो़म्‍डिमा ङाङाया दु़म्‍मिडी। मेकोतिमा ओराम चङ्‌डा हाम दु़म र्‍वाक्‍साका मिम्‍मिडी।

लूका 22:2

ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिमका येशूलाई हेसाका सेन्‍मु र्‍वाक्‍साका खाप रेप्‍थाल्‍मिडी, लावो मु़चु़मिमडाम मेर्मिम ङिम्‍थाल्‍मिडी।

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

लूका 20:6

मु़चु़लाम र्‍वाकी माला खोत्‍ले मु़चु़मिमका गुइलाई लुङका ओप्‍सामी हेङालोने यूहन्‍ना आच्‍छाङा माम्‍चु़नीलाम-जेपा मु़चु़ र्‍वाक्‍साका मेर्मिमका थो़र लु़म्‍डिम बु।”

मत्ती 26:5

मेर्मिमका र्‍वाम्‍डी, “लावो सेल्सिमुनेमकु चाडकाम थारीका ने मेएँ, मेएँ माला ने मु़चु़मिम ङाल्‍तो येमी-दुमी।”

मत्ती 21:26

लावो ‘मु़चु़लामका’ र्‍वाक्‍ति माला मु़चु़मिमकाम ङिम बु, हेङालोने खोत्‍ले मु़चु़मिमका यूहन्‍नालाई माम्‍चु़नीलाम-जेपा मु़चु़ र्‍वाक्‍साका थो़र लु़म्‍डिम बु।”

मत्ती 14:5

मेम्‍मिमका हेरोदका यूहन्‍नालाई सेन्‍मु माल्‍लु़म बाइडा, लावो मु़चु़मिमडाम ङिस्‍थाल्‍ला। हेङालोने मेर्मिमका यूहन्‍नालाई माम्‍चु़नीलाम-जेपा र्‍वाक्‍साका मिम्‍थाल्‍मिडी।

मत्ती 26:58

लावो पत्रुस ने होनो-होनो बासाका डोक्‍पु ङाउ डु़म्‍लाचो़कु देल्‍फुसम्‍मङा येशूकु चङचङ लस्‍ता। मेम्‍मा मेसिन्‍डा हाम दु़म र्‍वाक्‍साका रेम्‍मु लागि गु मेगोडा लस्‍तामा लपा मु़चु़मिमनुङ बाइडा।

लूका 22:4

मेम्‍मा हेसाका येशूलाई मेर्मिमकु ल्‍वाडा चु़म्‍बेन्‍मु र्‍वाक्‍साका ङाउ डु़म्‍लाचो़मिम नुङ सो़रनेम लपा कप्‍तानमिमकाडा लस्‍तामा मुलु़ बु़डु़।

थु़र्मा 5:22

लावो मे सिपाहीमिमका थु़र्मामिमलाई झ्‍यालखानगोडा मेडार्मिवामा ख्‍लोसिक्‍साका रोम्‍डी, मा र्‍वाम्‍डी,

थु़र्मा 5:25

कोले मु़चु़ रोक्‍तामा मेर्मिमनुङ र्‍वाक्‍ता, “थो़नी, गानी झ्‍यालखानडा चक्‍निमिम मु़चु़मिमका ने सो़रनेमगोडा येम्‍तासिट्‌मिमा मु़चु़मिमलाई सीमिहोम बुमी।”