थु़र्मा 5:21 - थुलुङ राई

²¹ ओराम थो़म्‍डिमा मेर्मिम नेमसोसोका ङा सो़रनेमगोनो हुम्‍डी, मा सीमु चो़म्‍मिडी। डोक्‍पु ङाउ डु़म्‍लाचो़ नुङ गुनुङ बाट्‌पामिम घ्रो़म्‍दीनेमडा रोम्‍डी, मा मेर्मिमका डोक्‍पु घ्रो़म्‍दी मेराम र्‍वाक्‍मा इस्राएलीमिमकु खोत्‍ले ङाउमिमकु घ्रो़म्‍दी येट्‌मिडी, मा मे थु़र्मामिमलाई झ्‍यालखानलामका रेन्‍मु र्‍वाक्‍साका मु़चु़मिम थु़र्मिडी।

थु़र्मा 5:21 Referans Kwoze

यूहन्‍ना 8:2

उ दिकाम नेम सोसोका गुमी सो़रनेमडा लम्‍डी, खोत्‍ले मु़चु़ उनीमाडा खोम्‍सिम्‍डी। मेम्‍मा गुमी गन्‍मिडिमा मेर्मिमलाई सीमु चो़म्‍मिडी।

थु़र्मा 22:15

हेङालोने उनीमा दुथाम गाना हाम ल्‍वान्‍नाम, थो़न्‍नाम बु, मेर्मिम खोत्‍ले मु़चु़मिमकु ङादोडा गाना सो़पा दु़म्‍ना।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

थु़र्मा 5:34

लावो यहूदीमिमकु डु़म्‍ला सीपा नुङ मु़चु़मिमका डोक्‍पु मिम्‍थाल्‍मिडिम गमलिएल र्‍वाक्‍मा फरिसीका डोक्‍पु घ्रो़म्‍दीडा येम्‍स्‍तामा थु़र्मामिमलाई घरिकोङ पाखानो थु़र्नी बु़डु़मी।

थु़र्मा 5:27

मेर्मिमका मे थु़र्मामिमलाई डोक्‍पु घ्रो़म्‍दीडा रेट्‌मिडिमा येम्‍सिबेट्‌मिडी, मा डोक्‍पु ङाउ डु़म्‍लाचो़का मेर्मिमनुङ हिलाबु़डु़,

थु़र्मा 5:17

डोक्‍पु ङाउ डु़म्‍लाचो़ नुङ गुनुङ बाट्‌पा सदुकीमिम उनी नो़ मेनु़यावामका थु़र्मामिमकु कोर्थो़लाम बम्‍डी।

यूहन्‍ना 18:35

पिलातसका र्‍वाक्‍ता, “हाम गो यहूदी? इमा त्‍वाकु सामा नुङ ङाउ डु़म्‍लाचो़मिमका आमा ल्‍वाडा गानालाई ग्‍वाङ्‌डिमिम बु। गाना हाम बेन्‍ना?”

लूका 22:66

नेम सोङडामा मु़चु़मिमकु ङाउमिम र्‍वाक्‍मा ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिम कोदेप खोम्‍सिम्‍डिमा येशूलाई उनी डोक्‍पु घ्रो़म्‍दीडा रेट्‌मिडी।

मत्ती 5:22

लावो गो गानीलाई र्‍वाङु, गानी कोङनिमनुङ छोक्‍चो बेन्‍नी माला देन्‍दे ल्‍वापा मु़चु़ दु़म्‍नी। कोङनिमलाई गानी ‘ओइबु’ र्‍वानी माला डोक्‍पु अदालतका गानीलाई देन्‍दे ग्‍वाक्‍पा मु़चु़ दु़म्‍नी। मेम्‍मा कोङनिमलाई गानी वाइतो बेट्‌नी माला खादीगोयु़म मुगोडा घ्रु़पा मु़चु़ दु़म्‍नी।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।