थु़र्मा 5:20 - थुलुङ राई

²⁰ “लक्‍निमा सो़रनेमडा लाले त्‍वारो़मकु दुथाममिम खोत्‍ले ल्‍वा मु़चु़मिमलाई थो़बेट्‌निमी।”

थु़र्मा 5:20 Referans Kwoze

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

थु़र्मा 11:14

गुका गानालाई र्‍वामिम सिजेममिमका गाना नुङ खोत्‍ले इमा नेमडाम मु़चु़मिम सेल्‍सिनी”।’

यूहन्‍ना 18:20

येशूका र्‍वाम्‍डी, “सु़म्‍दिसेरडा खोत्‍लेकु ङादोडा गो जेङडोम बु। यहूदीमिम खोम्‍सिमिमिम घ्रो़म्‍दीनेममिम नुङ सो़रनेमबाडे गो हेल्‍लो लोवो सीत्तोमी। थसिक्‍साका गो हाम वो र्‍वाङडोम मिबु।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 12:50

गुमीका बेबेसामिमिम ल्‍वाका मेसिपा त्‍वारो़म ग्‍वाक्‍सा र्‍वाक्‍पा गो चक्‍पु। मेम्‍मिमका गो हाम र्‍वाङु, मेराम पापका र्‍वाबेट्‌ङिडिमिम ल्‍वा सो़।”

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

मत्ती 10:27

ओर्मिम खोत्‍ले ल्‍वा गो गानीलाई कोङङा र्‍वाङु, लावो गानी ओराम ल्‍वा खोत्‍ले मु़चु़नुङ सो़नी। गो गानीनुङ सु़पील्‍वाका सो़उतोम ल्‍वा खोत्‍ले मु़चु़का थो़पा बेसाका नेमडलामका र्‍वाक्‍नी।

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।