थु़र्मा 5:2 - थुलुङ राई

² लावो गुका उ नाइमेकु मुलु़लामका मेरामकु थि किचो़ उमा त्‍वाकाम लागि थक्‍साका जु़ल्‍स्‍ता। मेम्‍मा घ्‍लेट्‌पा थि रेड्‌डु़मा थु़र्मामिमकु ल्‍वाड्‌डा ग्‍वाक्‍तु़मी।

थु़र्मा 5:2 Referans Kwoze

थु़र्मा 4:37

मेरामका उ ये-द भ्रेसाका मेरामकु थि रेड्‌डु़मा थु़र्मामिमकु ल्‍वाड्‌डा ग्‍वाक्‍तु़मी।

थु़र्मा 5:3

लावो पत्रुसका र्‍वाक्‍ता, “हननिया, हेङा इमा न-गो शैतानलाई ग्‍वाक्‍साका माम्‍चु़नी-पेलनुङ लिमा थेट्‌ना, मा इमा ये-द भ्रेट्‌नाम खउलुङ किचो़ जु़ल्‍सिट्‌ना?

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

थु़र्मा 2:44

थो़रलु़पामिम खोत्‍ले कोयो घ्रो़म्‍थाल्‍मिडी, मा मेर्मिमनुङ बाट्‌पा खोत्‍ले सोजाम बोम्‍थाम दु़स्‍थाल्‍ला, मा खोत्‍लेका खोत्‍लेङा मोमु ल्‍वाम्‍थाल्‍मिडी।

थु़र्मा 5:1

हननिया र्‍वाक्‍मा कोङ मु़चु़ नुङ उ नाइमे सफीराका वो किचो़ उची ये-द भ्रेट्‌ची।

थु़र्मा 5:8

मेकोतिमा पत्रुसका मेरामनुङ वो हिलाबु़डु़, “गोनुङ सो़या, गाची ये-द मेकोतिडाङा भ्रेट्‌चिम?” मेकोतिमा गुका र्‍वाक्‍ता, “मेकोतिडाङा।”