थु़र्मा 5:19 - थुलुङ राई

¹⁹ लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

थु़र्मा 5:19 Referans Kwoze

थु़र्मा 16:26

मेकोतिलोङा कोचोत्ति कोले डोक्‍पु सुबु-रुक्‍सी रोक्‍ता, मा मे झ्‍यालखान ङा रक्‍तु़। मेकोतिमा खोत्‍ले लाम्‍चोकोमिम होल्‍सिम्‍डी, मा खोत्‍ले सेल रिवामिम ब्रोम्‍सिम्‍डी।

थु़र्मा 27:23

हेङालोने गो सो़रलोले बेउमिम आमा माम्‍चु़नीकु उनी पाह्रीचो़ बासिन्‍था आमाडा रोक्‍ता,

थु़र्मा 8:26

मेकोतिमा कोङ पाह्रीचो़का फिलिपनुङ र्‍वाक्‍ता, “बकामा रायलाथो़ लक्‍सामा यरूशलेमलामका गाजाथो़ लक्‍पा र्‍याङगो-र्‍याङगोडाम लाम्‍दी लक्‍सा।”

मत्ती 1:20

लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

लूका 1:11

मिप्रङमाकु कोले पाह्रीचो़ मे धूप चाखोपकु जो़पलामका जकरियानुङ रेम्‍बेसिड्‌डा।

मत्ती 1:24

योसेफ ङोस्‍ता, मा मिप्रङमा माम्‍चु़नीकु पाह्रीचो़का र्‍वाक्‍ताम होम्‍साका गुका मरियमलाई लालीकुन्‍दा बु़डु़।

मत्ती 2:13

ज्‍योतिषीमिम लम्‍डिम चङडा, मिप्रङमाकु कोले पाह्रीचो़ योसेफकु ङिमाडा रेम्‍बेसिड्‌डा। मेम्‍मा गुका आरे र्‍वाक्‍ता, “बका, मे चो़च्‍चो़ नुङ उनी मामलाई लडामा मिश्र नेब्‍दीथो़ स्‍वाङ्ल्याडा। ख्‍लोसा मेर्‍वाङुमिमसम्‍म मेसिन्‍डाङा बाया, हेङालोने हेरोदका चो़च्‍चो़ सेन्‍मु लागि माल्‍मु खाप्‍डु़मिम बु।”

मत्ती 2:19

हेरोद सिडाम चङडा, मिश्र नेब्‍दीडा बाट्‌पा योसेफकु ङिमाडा मिप्रङमाकु कोले पाह्रीचो़ रेम्‍बेसिड्‌डा, मा आरे र्‍वाक्‍ता,

मत्ती 28:2

मेसिन्‍डा कोचोत्ति सुबुरुक्‍सी लस्‍ता, हेङालोने पाह्रीलामका मिप्रङमाकु कोले पाह्रीचो़ योक्‍ता। मेम्‍मा सु़लु़मकु ख्रेमलुङ रिल्‍लु़मा मेडला गन्‍डा।

लूका 2:9

ङाचो़कु कोले पाह्रीचो़ मेर्मिमनुङ रेम्‍बेसिड्‌डा मा ङाचो़कु ओल मेर्मिमकु होनोलाम-आथो़लाम झ्‍वाक्‍ता, मा मेर्मिम छो़म ङिम्‍डी।

थु़र्मा 10:3

कोलेम नेम्‍फुम सु जेस्‍ताम बिलि कर्नेलियसका मिक्‍सीलामडा माम्‍चु़नीकु पाह्रीचो़ उ त्‍वापथो़ योक्‍तोङा बेपा, मा मे पाह्रीचो़का गुलाई “कर्नेलियस” र्‍वाक्‍तामा डाड्‌डु़म जो़होमका थो़स्‍तु़।

थु़र्मा 12:23

लावो माम्‍चु़नीकु नङ मेकोक्‍सु़वामका मेकोतिलोङा माम्‍चु़नीकु पाह्रीचो़का हेरोद हपलाई याक्‍तु़, मा क्रोडी छाम्‍डिमा सिडा।