थु़र्मा 5:17 - थुलुङ राई

¹⁷ डोक्‍पु ङाउ डु़म्‍लाचो़ नुङ गुनुङ बाट्‌पा सदुकीमिम उनी नो़ मेनु़यावामका थु़र्मामिमकु कोर्थो़लाम बम्‍डी।

थु़र्मा 5:17 Referans Kwoze

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 17:5

लावो वाङमिम यहूदीमिमका ने मेर्मिमडला उनी नाचु़रका बजारबाडेम ङाल्‍पामिमलाई खोप्‍साका शहरडा ङाल्‍बेट्‌मिडी। पावल नुङ सिलासलाई सेर्पा मु़चु़मिमकु ङादोडा रेन्‍मुमा येम्‍सिबेन्‍मु लागि मेर्मिम यासोनकु नेमथो़ लम्‍ल्‍याम्‍डी।

थु़र्मा 7:9

“मेर्मिमगोडाम कोले योसेफ बाइडा। योसेफकु वामिमकाम उनी नो़ मेनु़यावामका योसेफलाई मिश्र नेब्‍दीडा भ्रेट्‌मिडी। लावो माम्‍चु़नी योसेफनुङ बाम्‍डी।

१ पत्रुस 2:1

मेम्‍मिमका खोत्‍ले मेजो़पा ल्‍वा, लिमा जेसी, मिनी मिक्‍सीलामडा जो़पा बेपा लिसिसी, नाचु़र नुङ डक्‍साका जेपा जेसीमिम पार्नी।

यूहन्‍ना 12:10

मेम्‍मा ङाउ डु़म्‍लाचो़मिमका लाजरसलाई वो सेन्‍मु मुलु़ बेम्‍डी।

मत्ती 27:18

हेङालोने ङाउमिम उनी नो़ मेनु़यावामका येशूलाई उमा ल्‍वाड्‌डा ग्‍वाम्‍डिम र्‍वाक्‍पा पिलातसका चडु़म बाइडा।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”

थु़र्मा 4:26

मिप्रङमा नुङ गुमीका थुट्‌मिडिम मेराम उनी चो़ मसीहकु कोर्थो़लाम सुबुडाम हपमिम बम्‍डी, मा साखामचो़मिम कोदेप खोम्‍सिम्‍डी।’

थु़र्मा 4:6

डोक्‍पु ङाउ डु़म्‍लाचो़ हन्‍नास, कैयाफा, यूहन्‍ना अलेक्‍जेन्‍डर नुङ डोक्‍पु ङाउ डु़म्‍लाचो़कु नेमडाममिम खोत्‍लेङा मेसिन्‍डा खोम्‍सिम्‍डिम बाइडा।

यूहन्‍ना 12:19

मेकोतिमा फरिसीमिमका उनी त्‍वाप-त्‍वापगोडा आरे र्‍वाबोमु चो़म्‍मिडी, “गुइ हाम वो बोमु मेचाप्‍सी। रेप्‍नी, खोत्‍ले मु़चु़मिम मेरामकु चङचङ लाम्‍दिम्‍ल्‍याम्‍डी।”

मत्ती 3:7

फरिसीमिम नुङ सदुकीमिमगोडाम हापा मु़चु़मिम वो यूहन्‍नाकाडा कु-रु़दु़म रप्‍डा रोम्‍डिम ल्‍वास्‍तु़। मेम्‍मा यूहन्‍नाका मेर्मिमलाई बु़डु़मी, “लु-फेले बेपा ब्‍लो होप्‍माम मु़चु़नी, माम्‍चु़नीका बोमु खाप्‍मिमिम नियालामका वाङ दु़म्‍मु कोङनिमका गानीलाई ङिमसान्‍मु मेचाम्‍नी।

थु़र्मा 5:16

यरूशलेमकु होनोलाम-आथो़लामबाडेम शहरलामका वो हापा मु़चु़मिमका नो़पामिम नुङ मुनाङपेलका दु़खा ग्‍वाक्‍पामिम मेसिन्‍डा रेन्‍थाल्‍मिडी, मा मेर्मिम खोत्‍लेङा सम्‍थाल्‍मिडी।