थु़र्मा 5:13 - थुलुङ राई

¹³ मु़चु़मिमका थु़र्मामिमकु दुथाम जो़पा ङा जेम्‍थाल्‍मिडी, लावो थु़र्मामिमकाडा रोमु मेर्मिम ङिम्‍थाल्‍मिडी।

थु़र्मा 5:13 Referans Kwoze

थु़र्मा 2:47

मा माम्‍चु़नीकु नङ कोक्‍तो खोत्‍लेनुङ द्‌वादीबुङकाम दु़म्‍साका बाम्‍थाल्‍मिडी। माम्‍चु़नीका सेल्‍सिक्‍पामिम खोत्‍लेलाई हेल्‍लो लोवो मेर्मिमनुङ काप्‍मिडिम बाम्‍डी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

थु़र्मा 5:5

ओराम ल्‍वा थो़स्‍तु़मा हननिया क्‍वायु़ पुलु़ झार्स्‍ता, मा सिडा। मेकोतिमा ओराम ल्‍वा थो़पा खोत्‍लेङा छो़म ङिम्‍डी।

यूहन्‍ना 19:38

मेकोतिमा चङ्‌डा, अरिमाथिया देलडाम योसेफका पिलातसकाडा येशूकु सिपा मिरो़म बियु़डु़। यहूदीकु ङिमुका योसेफ मेचहोमका येशूकु कोले सीसिपा बाइडा। पिलातसका लमु ग्‍वाक्‍तु़मा गु रोक्‍तामा उनीमा सिपा मिरो़म लडु़।

यूहन्‍ना 12:42

यहूदी ङाउमिम हापाका वो मेराम थारीका येशूडा थो़रबेम्‍डी। लावो घ्रो़म्‍दीनेमलामका कोल्‍सामी र्‍वाक्‍साका फरिसीमिमडाम ङिमुका थो़रबेम्‍डिम मेसो़मिवा।

यूहन्‍ना 9:22

मेरामकु माम-पाप यहूदीमिमडाम ङिच्‍चिमका आरे र्‍वाक्‍चिम बाइडा। हेङालोने कोङनिमका येशूलाई ख्रीष्‍ट र्‍वाक्‍ता माला मेरामलाई घ्रो़म्‍दीनेमलामका ख्‍लुम्‍सोमु बासी र्‍वाक्‍साका यहूदीमिमका ङादोङा मुलु़ बेम्‍डिम बाइडा।

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

थु़र्मा 5:26

मेकोतिमा कप्‍तान नुङ सिपाहीमिम लम्‍डिमा थु़र्मामिमलाई मेयाल्‍साका फिट्‌मिडी, हेङालोने मु़चु़मिमका लुङका ओम्‍किमी र्‍वाक्‍साका मेर्मिम ङिम्‍डी।

२ कोरिन्‍थी 10:15

वाङमिमका बेम्‍डिम खारीडा गुकु आकी त्‍वाका बेत्तोकोम र्‍वाक्‍साका डोक्‍पु मेलिसिन्‍कु। लावो इनीमा थो़र बर्तो ललो गानीगोडा दु़म्‍पा आकीमा खारी वाङमिम खोमथो़ वो बर्तो लनु़ र्‍वाक्‍पा आकीमा न बु।