थु़र्मा 5:11 - थुलुङ राई

¹¹ खोत्‍ले मण्‍डली नुङ ओराम ल्‍वा थो़पा खोत्‍ले छो़म ङिम्‍डी।

थु़र्मा 5:11 Referans Kwoze

थु़र्मा 5:5

ओराम ल्‍वा थो़स्‍तु़मा हननिया क्‍वायु़ पुलु़ झार्स्‍ता, मा सिडा। मेकोतिमा ओराम ल्‍वा थो़पा खोत्‍लेङा छो़म ङिम्‍डी।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

थु़र्मा 19:17

ओराम ल्‍वा एफिससडा बाट्‌पा यहूदीमिम नुङ ग्रीकमिमका थो़म्‍डी। मेकोतिमा मेर्मिम खोत्‍ले छो़म ङा ङिम्‍डी, मा ङाचो़ येशूकु नङ कोम्‍डी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

हिब्रू 11:7

थो़रकाङा नोआका उमा नेमडाममिमलाई होङकोर्माडाम सेल्‍मु कोले डोक्‍पु कुबी-बोक्‍सा बनेबु़डु़। मेरामडाम ङादो हेल्‍लो वो मेदु़म्‍थेङा बाट्‌पा ल्‍वाकु दुथाम गुलाई चङचङया बाबेट्‌पा माम्‍चु़नीका र्‍वाम्‍डिम होङङा गुका बु़डु़। थो़रकाङा गुका सु़म्‍दिसेरलाई मुमा बेड्‌डु़ मा थो़रकाङा गुलाई माम्‍चु़नीका जो़पा र्‍वाम्‍डी।

थु़र्मा 2:43

मे थु़र्मामिमका यु़मखारीमिम नुङ छेखोपमिम रेम्‍बेम्‍डिमका मेर्मिम खोत्‍ले माम्‍चु़नीनुङ ङिम्‍डी।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।