थु़र्मा 4:7 - थुलुङ राई

⁷ मेकोतिमा मेर्मिमका पत्रुस नुङ यूहन्‍ना उनी ङादोडा येम्‍सिबेट्‌मिडिमा हिलाबेम्‍डी, “उहेम यु़मका डे सु़कु नङडा डे गाची ओ खेल ब्‍लेट्‌पा मु़चु़लाई सबेच्‍चिम?”

थु़र्मा 4:7 Referans Kwoze

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

मर्कूस 11:28

मेर्मिमका येशूनुङ हिलाबेम्‍डी, “ओर्मिम खोत्‍ले सु़का इ मुलु़गोनो जु़ल्‍लु़म बु मा गाना बोनामिम? गानालाई सु़का आरे बेबेट्‌नाम बु?”

थु़र्मा 5:40

मेर्मिमका गुका र्‍वाक्‍ताम ल्‍वा बिम्‍सिम्‍डी। मेर्मिमका थु़र्मामिमलाई गोनो येट्‌मिडिमा याल्‍मिडी, मा “आनेपडाम्‍मा येशूकु नङडा को सि वो मेजेनी वो” बेसाका डिन्‍सोम्‍डिमी।

यूहन्‍ना 2:18

यहूदीमिमकु डोक्‍पुमिमका ओराम ल्‍वा गुमीनुङ बिम्‍डी, “गाना हाम बोनामिम? ओराम खारी बोमु माम्‍चु़नीका साखाम ग्‍वानामिम बु माला हेल्‍लो वो मेल्‍वाम्‍मा छेखोपका मेराम आच्‍छाङा र्‍वाक्‍पा रेम्‍बेट्‌की।”

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

यूहन्‍ना 8:9

मेसेमलाई मुमा बेट्‌पा मु़चु़मिमका ओराम ल्‍वा थो़म्‍डिमा ङादो ङावालामका कोले-कोले बेत्तो वाङमिम वो मेलामका लु़म्डिमा लम्‍डी। मेम्‍मा येशू नुङ मे मेसेम कोङङा मेसिन्‍डा दु़म्‍ची। मे मेसेम येशूकु ङादोडा येम्‍तासिड्‌डा।

यूहन्‍ना 8:3

डु़म्‍ला सीपा पातु़म्‍री नुङ फरिसीमिमका नाम्‍सु़रु़कु दुथाम चु़म्‍ला सो़सिक्‍पा कोले मेसेमलाई रेट्‌मिडी। मेम्‍मा मु़चु़मिमकु ङादोडा येम्‍सिबेट्‌मिडी।

थु़र्मा 4:6

डोक्‍पु ङाउ डु़म्‍लाचो़ हन्‍नास, कैयाफा, यूहन्‍ना अलेक्‍जेन्‍डर नुङ डोक्‍पु ङाउ डु़म्‍लाचो़कु नेमडाममिम खोत्‍लेङा मेसिन्‍डा खोम्‍सिम्‍डिम बाइडा।

थु़र्मा 4:8

पत्रुस माम्‍चु़नी-पेलका लु़न्‍स्‍तामा मेर्मिमनुङ र्‍वाक्‍ता, “ए मु़चु़मिमकु साखामचो़ नुङ ङाउनी,