थु़र्मा 4:34 - थुलुङ राई

³⁴ मेर्मिमगोडा सु़लाई हामकाम वो खेरेला मेदु़स्‍थालावा, हेङालोने सु़-सु़नुङ ये-द, नेम-किम बाइडा, मेर्मिमका भ्रेट्‌मिडिमा मेर्मिमकु थि थु़र्मामिमकाडा रेन्‍थाल्‍मिडी।

थु़र्मा 4:34 Referans Kwoze

थु़र्मा 2:45

मेर्मिमका उनी त्‍वाकु ये-द, खाप्‍चीमिम खोत्‍लेङा भ्रेट्‌मिडी। मेकोतिमा उहेम-उहेमलाई हा-हाङको चाहेदु़स्‍ताम मेराम होम्‍साका दो़म्‍थाल्‍मिडी।

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

लूका 22:35

मेम्‍मा येशूका मेर्मिमनुङ हिलाबेम्‍डी, “गो गानीलाई जो़पा-सेला थो़बेड्‌डा खउलुङ, फाजी, नुङ सो़लो़प मान्‍थिङा थु़र्निनिलो गानीलाई हाम-हुमकाम खेरेला दु़स्‍ताम बाइडा?” सीसिपामिमका र्‍वाम्‍डी, “मेदु़प्‍सावा।”

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

१ तिमोथी 6:19

आरे बेसाका मेर्मिमका पाह्रीला खाप्‍ची जु़ल्‍जो़ल्‍मिनु़। मेराम ने रोक्‍पा थारीका मेर्मिमकाम लागि जो़पा जग गट्‌मा होप्‍मामङा सो़, मा मेर्मिमका आच्‍छाङाकाम त्‍वारो़म ल्‍वामी।

थु़र्मा 4:37

मेरामका उ ये-द भ्रेसाका मेरामकु थि रेड्‌डु़मा थु़र्मामिमकु ल्‍वाड्‌डा ग्‍वाक्‍तु़मी।

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

१ थेसलोनिकी 4:12

मेम्‍साका थो़रमेलु़पा मु़चु़मिमका इनीमा बेसी-पेसी जो़पा मिम्‍मी, मा गानी वाङमिमनुङ बिमु वो मेबासी।

२ कोरिन्‍थी 8:14

ओम्‍लोम थारीका गानीनुङ बाट्‌पा हापाका मेर्मिमकु खेरेलाडा ख्‍लो़यु़नु़, मा दिफु मेर्मिमनुङ बाट्‌पा हापाका इनीमा खेरेलाडा ख्‍लो़यु़नु़। आरेसाका कोलेका कोङमीकु खेरेला त्‍वाकु खेरेला होप्‍माम मिम्‍नु़मा ख्‍लो़यु़नु़।