थु़र्मा 4:29 - थुलुङ राई

²⁹ मेम्‍मिमका माम्‍चु़नी, मेर्मिमकु ङिमसासी मिम्‍नी, मा इनी डु़ल्‍चो़मिमलाई मेङिसाका इनी सिजेम दो़पा बनेनिमी।

थु़र्मा 4:29 Referans Kwoze

थु़र्मा 4:13

मेर्मिमका पत्रुस नुङ यूहन्‍ना थेट्‌पा-चक्‍पा मु़चु़ ने मेएँ र्‍वाक्‍पा चम्‍डी, लावो मेर्चिप मेङिसाका जेच्‍चिम ल्‍वाम्‍डिमा मेर्मिम ङाङाया दु़म्‍मिडी। मेकोतिमा मेर्चिप येशूनुङ बाथाल्‍ची र्‍वाक्‍पा वो मेर्मिमका चम्‍डी।

थु़र्मा 14:3

मेसिन्‍डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्‍ची। मेम्‍मा येशूका मेर्चिपलाई उनीमा यु़म ग्‍वाम्‍डी। मेलामका हेल्‍लो वो मेल्‍वामिवाम खारीमिम नुङ छेखोपमिमका मेर्चिपका जेच्‍चिम दिदामकु सिजेम आच्‍छाङा र्‍वाक्‍पा रेम्‍बेम्‍डी।

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

थु़र्मा 28:31

पावलका मेङिसाका ङा माम्‍चु़नीकु किब्‍दीकु दुथाम मु़चु़मिमलाई थो़बेड्‌डु़मी, मा येशू ख्रीष्‍टकु दुथाम सीड्‌डु़मी, मा सु़का वो गुलाई मेम बोमुडाम मेभोप्‍मिवा।

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

थु़र्मा 9:27

लावो बारनाबासका शाऊललाई रेड्‌डु़मा थु़र्मामिमकाडा रोक्‍ता। मेकोतिमा शाऊल दमस्‍कसथो़ लाम्‍दित्तोङा लेड्‌डु़लो हेसाका मिप्रङमा ल्‍वास्‍तु़म बाइडा, मा मिप्रङमाका शाऊललाई हाम र्‍वाम्‍डिम बाइडा, मा गुका दमस्‍कसडा येशूकु दुथाममिम सिजेम हेसाका मेङिसाका ङा दो़स्‍तु़म बाइडा, मेर्मिम खोत्‍ले बारनाबासका मेर्मिमनुङ सो़यु़डु़।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

थु़र्मा 26:26

गो हप अग्रिपासकु ङादोडा मेङिसाका जेत्तोङा लेट्‌पु, हेङालोने हपका उनी त्‍वाका ङा ओर्मिम ल्‍वाकु दुथाम चमी। ओराम ल्‍वा थसिसाका बेम्‍मा मेएँ, ओर्मिमगोडा कोल्‍ले वो ल्‍वा गुमीडाम थक्‍मा मिबु।

थु़र्मा 9:28

मेकोतिमा शाऊल मेर्मिमनुङ यरूशलेमडा कोयो-कोयोङा बान्‍तेमेनो लाम्‍दिमु चो़म्‍डु़, मा मेङिसाका ङा येशूकु दुथाममिम सिजेम थो़बेन्‍मुमि चो़म्‍डु़।

२ कोरिन्‍थी 3:12

गुकुनुङ आरेप्‍माम हाम-हुम ल्‍वापा न बु़मिमका गुकु छो़म मेङिपा दु़म्‍तोकोम बु।

१ कोरिन्थी 14:13

मेम्‍मिमका मे वाङमी ल्‍वा जेपा मु़चु़का मेराम ल्‍वाकु दुथाम सो़मु चापा यु़म ल्‍वामु सो़म्‍दी बु़नु़।