थु़र्मा 4:27 - थुलुङ राई

²⁷ “हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

थु़र्मा 4:27 Referans Kwoze

मत्ती 27:2

मेम्‍मा मेर्मिमका गुमीलाई बसाका लम्‍डिमा रोमी किब्‍दी साखामचो़ पिलातसलाई ग्‍वाम्‍डी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 2:27

हेङालोने गानी गोलाई सु़लु़मगोनो मेर्पाजो़ल्‍ङिनी, गानी इनीमा नङका साट्‌माकु मिरो़म झिम्‍मु मेग्‍वानी,

यूहन्‍ना 19:34

मेम मेबेसाका कोले सिपाहीका येशूकु फेटफेटडा जातेका सुक्‍तु़, मा मेलामका सिसि नुङ कु हास्‍ल्‍याड्‌डा।

यूहन्‍ना 18:28

मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्‍डी। मेराम थारी नेमसोसोका बाइडा, मा डु़म्‍ला होम्‍साका मेसेपा दु़म्‍मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा।

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

लूका 22:63

येशूलाई लपा सिपाहीमिमका गुमीलाई नाले डान्‍मु नुङ याल्‍मु चो़म्‍मिडी।

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

मर्कूस 15:31

मेम्‍साका ङा ङाउ डु़म्‍लाचो़मिम नुङ यहूदीमिमकु डु़म्‍ला सीपा पातु़म्‍रीमिमका उनी त्‍वाप-त्‍वापडा ङा आरे र्‍वाबेत्तो नाले डाट्‌मिडी, “ओरामका वाङमिलाई ने सेल्‍लु़मी, लावो उ त्‍वापलाई ने सेल्‍मु मेचाप्‍सु़।

मर्कूस 10:33

गुमीका र्‍वाम्‍डी, “थो़नी, गुइ यरूशलेमथो़ लक्‍तोङा बिइ। मेसिन्‍डा मिनीचो़लाई कोङ-कोङका डु़म्‍लाचो़मिम नुङ डु़म्‍ला सीपा पातु़म्‍रीमिमकु ल्‍वाडा ग्‍वामी, मा मेर्मिमका सेन्‍मु मुलु़ बोमी। मेकोतिमा सेन्‍मुलाई मेर्मिमका वाङसामामिमकु ल्‍वाडा ग्‍वामी।

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

मत्ती 21:28

“गानी हाम मिम्‍नी? कोले मु़चु़काम नले उ तारापाचो़ बाच्‍ची। ङाचो़ उ तारापाचो़काडा गु लस्‍तामा र्‍वाक्‍ता, ‘ए थाकु, आनेप गाना अङ्‍गूर येडा लक्‍सामा खारी बे।’

मत्ती 14:1

मेमबिलि गालील क्षेत्रडाम हप हेरोद अन्‍तिपासका येशूकु दुथाम थो़स्‍तु़,

मत्ती 14:3

ओरामडाम ङादो, हेरोदका यूहन्‍नालाई चु़म्‍डु़मा बसाका झ्‍यालखानगोडा चक्‍तु़म बाइडा। हेरोदका उ ल्‍वाक फिलिपकु नाइमे हेरोदियास लडु़म बाइडा।

मत्ती 14:6

हेरोद गस्‍तामनेमकु दुथाम ग्रुला पेम्‍डिमनेम हेरोदियासकु जाउमोचो़ खोत्‍लेकु ङादोडा छो़म्‍डामा हेरोदलाई छो़म गेर्सिबेड्‌डु़।

लूका 23:1

मेकोतिमा डोक्‍पु घ्रो़म्‍दीडाम खोत्‍ले मु़चु़मिम बम्‍डिमा येशूलाई पिलातसकाडा रेट्‌मिडी।

यूहन्‍ना 18:29

मेम्‍मिमका पिलातसका पाखानो लुक्‍तामा मेर्मिमनुङ हिलाबु़डु़, “ओराम मु़चु़कु बुइडला गानी उट्‌निम मेजो़पा ल्‍वा हाम बु?”