थु़र्मा 4:21 - थुलुङ राई

²¹ मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

थु़र्मा 4:21 Referans Kwoze

थु़र्मा 5:26

मेकोतिमा कप्‍तान नुङ सिपाहीमिम लम्‍डिमा थु़र्मामिमलाई मेयाल्‍साका फिट्‌मिडी, हेङालोने मु़चु़मिमका लुङका ओम्‍किमी र्‍वाक्‍साका मेर्मिम ङिम्‍डी।

लूका 22:2

ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिमका येशूलाई हेसाका सेन्‍मु र्‍वाक्‍साका खाप रेप्‍थाल्‍मिडी, लावो मु़चु़मिमडाम मेर्मिम ङिम्‍थाल्‍मिडी।

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

लूका 20:6

मु़चु़लाम र्‍वाकी माला खोत्‍ले मु़चु़मिमका गुइलाई लुङका ओप्‍सामी हेङालोने यूहन्‍ना आच्‍छाङा माम्‍चु़नीलाम-जेपा मु़चु़ र्‍वाक्‍साका मेर्मिमका थो़र लु़म्‍डिम बु।”

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

थु़र्मा 5:40

मेर्मिमका गुका र्‍वाक्‍ताम ल्‍वा बिम्‍सिम्‍डी। मेर्मिमका थु़र्मामिमलाई गोनो येट्‌मिडिमा याल्‍मिडी, मा “आनेपडाम्‍मा येशूकु नङडा को सि वो मेजेनी वो” बेसाका डिन्‍सोम्‍डिमी।

थु़र्मा 4:17

लावो ओराम ल्‍वा वाङथो़ मेफोन्‍सिनु़ र्‍वाक्‍साका ‘आनेपडाम्‍मा ओराम नङडा गाची सु़नुङ हाम वो मेर्‍वाक्‍ची वो’ र्‍वाक्‍साका ङिमसान्‍मुचि बासी।”

लूका 13:17

गुमीका आरे र्‍वाम्‍डिम थो़म्‍डिमा उनी कोर्थो़लाम बक्‍पा मु़चु़मिमकाम क्रो़म लु़डा। लावो गुमीका हेल्‍लो वो मेल्‍वाम्‍मा खारीमिम बेम्‍डिम ल्‍वाम्‍डिमा मु़चु़मिम ने गेर्सिद्‌वाम्‍डी।

लूका 5:26

मेम्‍मा खोत्‍ले मु़चु़मिम छो़म ङाङाया दु़म्‍मिडिमा माम्‍चु़नीकु नङ कोम्‍डी। मेकोतिमा ङित्तो आरे र्‍वाम्‍डी, हेल्‍लो वो मेल्‍वाम्‍मा ल्‍वा गुइ आनेप ल्‍वास्‍ती।

मत्ती 26:5

मेर्मिमका र्‍वाम्‍डी, “लावो सेल्सिमुनेमकु चाडकाम थारीका ने मेएँ, मेएँ माला ने मु़चु़मिम ङाल्‍तो येमी-दुमी।”

मत्ती 15:31

सि मेजेपामिम जेम्‍डिम, मेचापामिम नु़म्‍डिम, खेल सोक्‍पामिम लाम्‍दिम्‍डिम, मिक्‍सीका मेल्‍वापामिमका मिक्‍सीका ल्‍वापा दु़म्‍मिडिम ल्‍वाम्‍डिमा मु़चु़मिम ङाङाया दु़म्‍मिडी। मेम्‍मा मेर्मिमका इस्राएलकु माम्‍चु़नीकाम नङ कोम्‍डी।

मत्ती 9:33

येशूका मुनाङ कोल्‍मिडिमा मे मु़चु़ जेमु चो़म्‍डु़। मेकोतिमा सेर्पा मु़चु़ ङाङाया दु़म्‍तो र्‍वाम्‍डी, “इस्राएलडा आरेप्माम ने हेल्‍लो वो दु़स्‍ताम मेबायावा।”

थु़र्मा 4:22

उहेम मु़चु़ यु़मखारीलामका सबेच्‍चिम बाइडा, मेरामका ब्‍ल धु़म (४०) थ हेम्‍डु़म बाइडा।

थु़र्मा 5:13

मु़चु़मिमका थु़र्मामिमकु दुथाम जो़पा ङा जेम्‍थाल्‍मिडी, लावो थु़र्मामिमकाडा रोमु मेर्मिम ङिम्‍थाल्‍मिडी।