थु़र्मा 4:19 - थुलुङ राई

¹⁹ लावो पत्रुस नुङ यूहन्‍नाका मेर्मिमनुङ र्‍वाक्‍ची, “माम्‍चु़नीका र्‍वामिमिम थो़मु डिसाका गानी र्‍वानिमिम थो़मु माम्‍चु़नीकु मिक्‍सीलामडा हाङकोम जो़पा दु़म गानी इनी त्‍वाका ङा मिम्‍नी।

थु़र्मा 4:19 Referans Kwoze

थु़र्मा 5:29

लावो पत्रुस नुङ थु़र्मामिमका र्‍वाम्‍डी, “मु़चु़मिमका र्‍वामिमिम ने मेएँ, माम्‍चु़नीका र्‍वामिमिम ङा गुकु थो़मु बासी।

१ कोरिन्थी 10:15

गानी नेप्‍चीनुङमा मु़चु़ बुनी र्‍वाक्‍पा मिम्‍साका गो हाम र्‍वाङु, मेराम ल्‍वा गानी इनी त्‍वाकाङा मिम्‍नी।

१ तिमोथी 2:3

ओराम गुइ सेल्‍पा माम्‍चु़नीकु मिक्‍सीलामडा जो़पा बु, मा ओरामलामका गुमी गेर्सी द्‌वामी।

यूहन्‍ना 7:24

ङाली रेप्‍साका मेएँ, जो़होमका निया बेनी।”

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

याकूब 2:4

हाम गानी इनी त्‍वाप-त्‍वापगोडाङा चोमिक्‍सी बेसाका मेजो़पा नका निया बेपा मेदु़म्‍निवा मा?

एफिसी 6:1

चो़च्‍चो़नी, गानी ङाचो़कु मु़चु़ दु़म्‍निमका त्‍वाकु माम-पापका र्‍वामिमिम थो़नी, हेङालोने गानी आरे बोनिमिम ङा जो़पा दु़म।

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

हिब्रू 11:23

थो़रकाङा मोशाकु मामपापका गु गस्‍तामा सु मुनामसम्‍म गुलाई थक्‍थाट्‌ची, मा गु द्‌वाकिमिम चो़च्‍चो़ बाइडाम ल्‍वाच्‍चिमा हपका र्‍वाक्‍ताम होङङा मेबोमु मेङिचिवा।

लूका 22:8

येशूका पत्रुस नुङ यूहन्‍नालाई आरे र्‍वाम्‍डिमा थु़र्मिडी, “लक्‍चिमा इकीमा लागि सेल्सिमुनेमकु चाडकाम ग्रुला खोक्‍जो़ल्‍ची।”

थु़र्मा 4:13

मेर्मिमका पत्रुस नुङ यूहन्‍ना थेट्‌पा-चक्‍पा मु़चु़ ने मेएँ र्‍वाक्‍पा चम्‍डी, लावो मेर्चिप मेङिसाका जेच्‍चिम ल्‍वाम्‍डिमा मेर्मिम ङाङाया दु़म्‍मिडी। मेकोतिमा मेर्चिप येशूनुङ बाथाल्‍ची र्‍वाक्‍पा वो मेर्मिमका चम्‍डी।

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”