थु़र्मा 4:17 - थुलुङ राई

¹⁷ लावो ओराम ल्‍वा वाङथो़ मेफोन्‍सिनु़ र्‍वाक्‍साका ‘आनेपडाम्‍मा ओराम नङडा गाची सु़नुङ हाम वो मेर्‍वाक्‍ची वो’ र्‍वाक्‍साका ङिमसान्‍मुचि बासी।”

थु़र्मा 4:17 Referans Kwoze

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

१ थेसलोनिकी 1:8

हेङालोने गानीलामका ङाचो़ येशूकु सिजेम खोत्‍ले माकेडोनिया नुङ अखैयाडा कोङङा थो़म्डिम मेएँ, लावो माम्‍चु़नीडा बेन्‍निम इनी थो़रकु दुथाम खोत्‍लेथो़ फोन्‍सिड्‌डाम बु। मेम्‍मा गानीलाई गुकु र्‍वामुम बुमु बासिक्‍पा वाङमिम ल्‍वा हाम वो मिबु।

थु़र्मा 5:24

सो़रनेमडाम कप्‍तान नुङ ङाउ डु़म्‍लाचो़मिमका ओराम ल्‍वा थो़म्‍डिमा ङाङाया दु़म्‍मिडी। मेकोतिमा ओराम चङ्‌डा हाम दु़म र्‍वाक्‍साका मिम्‍मिडी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

मत्ती 27:64

मेम्‍मिमका सुलेमसम्‍म मे सु़लु़म जो़होमका लन्‍बेट्‌नी। मेएँ माला ने उमा सीसिपामिम रोमिमा उमा रो़म खुमिमा सिमुलामका गु बग्‍गेड्‌डा र्‍वाक्‍साका मु़चु़मिमनुङ र्‍वामी। मेम्‍मा ङादोमडाम वो छो़म मेजो़पा लु-फेले दु़म।”

मत्ती 9:30

मेम्‍मा मेर्चिप मिक्‍सीका ल्‍वापा दु़म्‍ची। “ओराम ल्‍वा सु़नुङ वो मेसो़मु सो़” र्‍वाम्‍डिमा येशूका मेर्चिपलाई ङिम साट्‌मिडिची।

यूहन्‍ना 15:21

गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

एफिसी 6:9

गानी नेमहपनी, इनीमा डु़ल्‍चो़मिमलाई जो़होम नु़म बेनी मा ङिम सान्‍मु डिट्‌नी। नेमहप नुङ डु़ल्‍चो़ निफिकाम पाह्रीला नेमहप कोलेङा बुमी मा गुमीका चोमिक्‍सी मेबोमी र्‍वाक्‍पा ल्‍वा मिम्‍सिट्‍नी।

१ पत्रुस 2:23

मु़चु़मिमका गुमीलाई डक्‍साका जेम्‍डिलो गुमीका मेर्मिमडला उनी छोक्‍चो मेहाट्‌मिवा। गुमीका दु़खा इम्‍मिडिलो सु़लाई वो ङिम मेसाट्‌मिवा। लावो जो़होमका निया बेपाकु ल्‍वाड्‌डा उनी त्‍वाप जु़ल्‍मिडी।