थु़र्मा 4:13 - थुलुङ राई

¹³ मेर्मिमका पत्रुस नुङ यूहन्‍ना थेट्‌पा-चक्‍पा मु़चु़ ने मेएँ र्‍वाक्‍पा चम्‍डी, लावो मेर्चिप मेङिसाका जेच्‍चिम ल्‍वाम्‍डिमा मेर्मिम ङाङाया दु़म्‍मिडी। मेकोतिमा मेर्चिप येशूनुङ बाथाल्‍ची र्‍वाक्‍पा वो मेर्मिमका चम्‍डी।

थु़र्मा 4:13 Referans Kwoze

१ कोरिन्थी 1:27

लावो नेप्‍चीनुङमा मु़चु़मिमकु क्रो़म लु़बेन्‍मु माम्‍चु़नीका सु़म्‍दिसेरडाम नेप्ची मान्थिम ल्‍वामिम छेट्‌मिडी। सोनुङमा मु़चु़मिमकु क्रो़म लु़बेन्‍मु माम्‍चु़नीका सु़म्‍दिसेरडाम मेचापा ल्‍वामिम छेट्‌मिडी।

यूहन्‍ना 7:15

यहूदीमिमका ङाङाया दु़म्‍मिडिमा आरे र्‍वाम्‍डी, “हाम वो मेसीसिसाका हेसाका ओराम आकोम छो़म थेट्‌पा दु़स्‍ता?”

मत्ती 11:25

मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।

मत्ती 26:73

घरिकोङका मेसिन्‍डा बाट्‌पा मु़चु़मिम पत्रुसकाडा रोम्‍डिमा र्‍वाम्‍डी, “आच्‍छाङा गाना येशूनुङ लाम्‍दिपामिमगोडाम कोले दु़म्‍मु बासी, हेङालोने इमा जेसीकाङा रेम्‍बु़।”

यूहन्‍ना 7:49

लावो डु़म्‍ला मेथेट्‌पा ओर्मिम सेर्पा मु़चु़, मेर्मिमका वाइतो ल्‍वामी।”

लूका 22:8

येशूका पत्रुस नुङ यूहन्‍नालाई आरे र्‍वाम्‍डिमा थु़र्मिडी, “लक्‍चिमा इकीमा लागि सेल्सिमुनेमकु चाडकाम ग्रुला खोक्‍जो़ल्‍ची।”

मत्ती 26:71

पत्रुस मेलाम लस्‍तामा लाम्‍चोको फार्डा कोङमी डु़ल्‍चो़मेका गुलाई ल्‍वास्‍तु़मा मेसिन्‍डाम मु़चु़मिमलाई र्‍वाक्‍ता, “ओराम मु़चु़ नासरतडाम येशूनुङ बाइडा।”

यूहन्‍ना 19:26

येशूका उनीमा माम नुङ गुमीका द्‌वाम्‍डिम उनीमा सीसिपालाई उनी फार्डा येम्‍तासिट्‌पा ल्‍वाम्‍डिमा उनीमा मामलाई र्‍वाम्‍डी, “वा छापा, मेराम इनीमा तारापाचो़।”

थु़र्मा 4:14

लावो मे सस्‍ताम मु़चु़ मेर्चिपनुङ येम्‍तासिट्‌पा ल्‍वाम्‍डी, मा मेर्मिमका हाम वो र्‍वामु मेचाप्‍मिवा।

थु़र्मा 4:19

लावो पत्रुस नुङ यूहन्‍नाका मेर्मिमनुङ र्‍वाक्‍ची, “माम्‍चु़नीका र्‍वामिमिम थो़मु डिसाका गानी र्‍वानिमिम थो़मु माम्‍चु़नीकु मिक्‍सीलामडा हाङकोम जो़पा दु़म गानी इनी त्‍वाका ङा मिम्‍नी।

थु़र्मा 4:29

मेम्‍मिमका माम्‍चु़नी, मेर्मिमकु ङिमसासी मिम्‍नी, मा इनी डु़ल्‍चो़मिमलाई मेङिसाका इनी सिजेम दो़पा बनेनिमी।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

थु़र्मा 9:27

लावो बारनाबासका शाऊललाई रेड्‌डु़मा थु़र्मामिमकाडा रोक्‍ता। मेकोतिमा शाऊल दमस्‍कसथो़ लाम्‍दित्तोङा लेड्‌डु़लो हेसाका मिप्रङमा ल्‍वास्‍तु़म बाइडा, मा मिप्रङमाका शाऊललाई हाम र्‍वाम्‍डिम बाइडा, मा गुका दमस्‍कसडा येशूकु दुथाममिम सिजेम हेसाका मेङिसाका ङा दो़स्‍तु़म बाइडा, मेर्मिम खोत्‍ले बारनाबासका मेर्मिमनुङ सो़यु़डु़।

थु़र्मा 9:28

मेकोतिमा शाऊल मेर्मिमनुङ यरूशलेमडा कोयो-कोयोङा बान्‍तेमेनो लाम्‍दिमु चो़म्‍डु़, मा मेङिसाका ङा येशूकु दुथाममिम सिजेम थो़बेन्‍मुमि चो़म्‍डु़।

१ कोरिन्थी 14:25

मेरामकु नगोडाम थसिक्‍पा ल्‍वामिम पाखा लुमी मा गुका खुम्‍बु बेसाका माम्‍चु़नीकु सो़रलोले बु़ मा र्‍वा, “माम्‍चु़नी आच्‍छाङा गानीगोडा बुमी।”

२ कोरिन्‍थी 3:12

गुकुनुङ आरेप्‍माम हाम-हुम ल्‍वापा न बु़मिमका गुकु छो़म मेङिपा दु़म्‍तोकोम बु।