थु़र्मा 3:6 - थुलुङ राई

⁶ मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

थु़र्मा 3:6 Referans Kwoze

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

मर्कूस 16:17

थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

थु़र्मा 4:7

मेकोतिमा मेर्मिमका पत्रुस नुङ यूहन्‍ना उनी ङादोडा येम्‍सिबेट्‌मिडिमा हिलाबेम्‍डी, “उहेम यु़मका डे सु़कु नङडा डे गाची ओ खेल ब्‍लेट्‌पा मु़चु़लाई सबेच्‍चिम?”

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

मत्ती 10:9

सो़ना, मतो नुङ वाताकु खउलुङ इनी गोल्‍माडा मेकुर्नी।

मत्ती 7:22

मेनेम हापा मु़चु़का गोलाई र्‍वामी, ‘ङाचो़, ए ङाचो़, गुकु इनीमा नङडा माम्‍चु़नीलाम-जेत्तोको, मुनाङमिम कोल्‍तोको, मा यु़मनुङमा खारीमिम बेत्तोको।’

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

यूहन्‍ना 19:19

पिलातसका कोङ छेखोप येशूकु बुइकुडला केप्‍डु़म बाइडा। मेसिन्‍डा: “नासरतडाम येशू यहूदीमिमकु हप” र्‍याक्‍मा बाइडा।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

मर्कूस 14:8

ओराम मेसेमका हाम चाप्‍स्‍तु़म बु मेरामङा बेत्तोलेडु़। ओरामका आमा रो़म क्‍लु़म्‍मु ङादोङा झो़म्‍सिबेन्‍मु लागि भ्रपा नेम्‍पा तेलका क्‍लमु दु़म्‍स्‍तु़म बु।

१ कोरिन्थी 4:11

ओम्‍लो वो गुकु क्रु़म-कोरा सिपा बुकु, आकी ये-सेम मिबु। गुकु याल्‍ला सो़सिन्‍कु, नेम-किम मान्‍थिम बुकु।

थु़र्मा 3:5

मेरामका मेर्चिपलाम हाम-हुम ल्‍वापा नका जो़होमका मेर्चिपथो़ रेप्‍डु़।

थु़र्मा 3:7

मेकोतिमा पत्रुसका मेरामकु उ जो़प ल्‍वाडा झेड्‌डु़मा फक्‍तु़। मेकोतिलोङा मेरामकु खेलकु मिक्‍सी नुङ खेलचिपडा सो बेड्‌डु़।