थु़र्मा 3:25 - थुलुङ राई

²⁵ गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’

थु़र्मा 3:25 Referans Kwoze

थु़र्मा 2:39

हेङालोने ओराम इनीमा लागि, इनी चो़-चु़सु़मिमकाम लागि, मा माम्‍चु़नीका येन्‍मिमिम वाङथो़ बाट्‌पामिम खोत्‍लेकाम लागि गुमीका ग्‍वानिनी र्‍वाम्‍डिम बु।”

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

गलाती 3:29

गानी ख्रीष्‍टकाम माला गानी अब्राहामकु चो़-चु़सु़, मा माम्‍चु़नीका याचे जेम्‍डिम ल्‍वाकु खुन्‍चु़म ल्‍वापा सो़।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

लूका 1:72

गुमीका इकीमा ङाउ-खुउमिमडला न-थो़म रेम्‍बोमु लागि, मा सेपा उनीमा सो़रख्रेप्‍सी मिम्‍मु लागि,