Biblia Todo Logo
Bib sou entènèt

- Piblisite -




थु़र्मा 3:22 - थुलुङ राई

22 मोशाका आरे र्‍वाक्‍ताम बाइडा, ‘मिप्रङमा माम्‍चु़नीका इनी वा-ल्‍वाकमिमगोलामका इनीमा लागि गो होप्‍मामङा माम्‍चु़नीलाम-जेपा मु़चु़ थुमी। मेकोतिमा गुमीका गानीलाई हा-हाम र्‍वामी मेर्मिम खोत्‍ले गानी थो़मु बासी।

Gade chapit la Kopi




थु़र्मा 3:22
22 Referans Kwoze  

“मेराम मोशाका ङा, इस्राएलीमिमनुङ र्‍वाक्‍ताम बाइडा, ‘माम्‍चु़नीका गोलाई थुट्‌ङिडिमिम होम्‍साका ङा इनीमा वा-ल्‍वाकगोलामका इनीमा लागि माम्‍चु़नीलाम-जेपा कोङ मु़चु़ थुमी।’


लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।


हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।


आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।


“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।


ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।


मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।


गो ओराम सु़म्‍दिसेरडा ओल दु़म्‍साका योङ्‌डोम बु, मा गोडला थो़रबेपा मु़चु़ सु़ वो तुकुम्‍चिमडा मेदु़म्‍नु़।


छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।


आथावो येशूका मु़चु़मिमनुङ ल्‍वाबेम्‍डी, मा र्‍वाम्‍डी, “सु़म्‍दिसेरडाम मु़चु़मिमकु ओल गोङा सो़। आमा चङचङ लाम्‍दिपा मु़चु़ हेल्‍लो वो तुकुम्‍चिमडा मेलाम्‍दी, लावो मेरामका त्‍वारो़म ग्‍वाक्‍पा ओल ल्‍वासु़।”


गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।


मेम्‍ङालोवो आनेप दिका, मा नाहाद्‌दा वो गो खारी बोमुम बुमु बासी, हेङालोने माम्‍चु़नीकु शहर यरूशलेमडा कोङङा माम्‍चु़नीलाम-जेपा आच्‍छाङा सिमी।


मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।


सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”


Swiv nou:

Piblisite


Piblisite