थु़र्मा 3:21 - थुलुङ राई

²¹ माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।

थु़र्मा 3:21 Referans Kwoze

रोमी 8:21

प्रङसिट्‍पामिम पुयु़लुक्‍सीडाम वाङ दु़म्‍साका माम्‍चु़नीकाम चो़-चु़सु़मिमनुङ वाङ दु़म्‍सीडा कोले दु़म्‍मी।

थु़र्मा 1:11

मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”

लूका 1:70

गुमीका माम्‍चु़नीलाम-जेपा सेपा उनीमा मु़चु़मिमकु सिलामका माके जेम्‍डी,

२ पत्रुस 3:2

माम्‍चु़नीकु सिजेम जेपा उनी मु़चु़मिमका माके र्‍वाम्‍डिम ल्‍वा नुङ इकी ङाचो़ नुङ गुइलाई सेल्‍पाका इनी थु़र्मामिमलामका बेबेट्‌निम ल्‍वा गो मिम्‍बेनिनी।

२ पत्रुस 1:21

हेङालोने माम्‍चु़नीलाममिम जेसी हेल्‍लो वो मु़चु़कु नलामका लुक्‍ताम मेएँ, लावो माम्‍चु़नी-पेलका जेबेट्‌मिडिमा मु़चु़मिमका माम्‍चु़नीलाम जेम्‍डिम बाइडा।

थु़र्मा 10:43

उहेमका येशूडा थो़र बु़, मेरामकु छु़लमिम येशूकु नङका हेम्‍सिट्‌मी र्‍वाक्‍साका खोत्‍ले माम्‍चु़नीलाम-जेपामिमका र्‍वाम्‍डिम बु।”

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

थु़र्मा 3:20

मा गुमीका इनीमा लागि ङादो ङा थुट्‌मिडिम ख्रीष्‍ट थु़र्मी, मेराम ने येशू ङा सो़।

हिब्रू 1:1

माके-माके माम्‍चु़नी इकी बेप-पापमिमनुङ हापा खेप हापा खालका माम्‍चु़नीलाम-जेपामिमलामका जेम्‍डी।