थु़र्मा 3:20 - थुलुङ राई

²⁰ मा गुमीका इनीमा लागि ङादो ङा थुट्‌मिडिम ख्रीष्‍ट थु़र्मी, मेराम ने येशू ङा सो़।

थु़र्मा 3:20 Referans Kwoze

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

२ थेसलोनिकी 2:2

कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

लूका 19:11

मे मु़चु़मिमका ओराम ल्‍वा थो़त्तोङा बेम्‍डिलो येशूका मेर्मिमनुङ सीसि-सो़म्‍दी र्‍वाम्‍डी। हेङालोने गुमी यरूशलेम फार्डाङा बाम्‍डी। मु़चु़मिमका माम्‍चु़नीका साखाम थो़मुङा खाप्‍मिडिम बु र्‍वाक्‍पा माल्‍मिडिम बाइडा।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

लूका 21:27

मेराम थारीका मिनीचो़ यु़म नुङ यु़म-झ्‍वाक्‍सीडा खासेडला योक्‍तोङा बेपा मेर्मिमका ल्‍वामी।

मर्कूस 13:26

मेकोतिलो मु़चु़मिमका मिनीचो़ खासेडा यु़म नुङ यु़म-झ्‍वाक्‍सीडा योक्‍तोङा बेपा ल्‍वामी।

मत्ती 24:3

चङडा जैतून पोप्‍चङडला येशू गन्‍तासिट्‌मिडिलो उनी सीसिपामिम कोङङा येशूकाडा रोम्‍डिमा हिलाबेम्‍डी, “ओराम ल्‍वा हाम्‍सिका दु़म? गानी ख्‍लोन्‍सिनिमिम नुङ सु़म्‍दिसेर हुक्‍पा हेप्‍माम छेखोप दु़म?”

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

थु़र्मा 3:19

मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

थु़र्मा 3:21

माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।