थु़र्मा 3:19 - थुलुङ राई

¹⁹ मेम्‍मिमका इनीमा छु़ल न-गोलामका मिम्‍सिट्‌निमा ख्‍लोन्‍सिट्‌नी, मा इनीमा छु़ल हेम्‍सिनु़। मेकोतिमा इनीमा गेर्सिमु थारी माम्‍चु़नीलाम रोनु़,

थु़र्मा 3:19 Referans Kwoze

थु़र्मा 2:38

पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।

मत्ती 18:3

मा र्‍वाम्‍डी, “आच्‍छाङा गो गानीनुङ र्‍वाङु, इनी छु़ललामका ख्‍लोसिसाका याक्‍के चो़च्‍चो़मिम होप्‍माम मेदु़म्‍निवा माला पाह्री-किब्‍दीडा हेल्‍लो वो हुमु मेल्‍वानी।

मत्ती 13:15

हेङालोने मु़चु़मिमकु न-गो थेसिमेथेट्‌पा दु़स्‍ताम बु, मा मेर्मिमकु नोफ्‍ला मेथो़पा दु़स्‍ताम बु, मा मेर्मिमका उनी मिक्‍सी क्रिम्‍मिडिम बु, मेएँ माला ने मेर्मिमका मिक्‍सीका ल्‍वामिवा, नोफ्‍लाका थो़मिवा, उनी न-गोका थेसिथेट्‌मिवामा ख्‍लोम्‍सिप्‍मिवा, मा गो मेर्मिमलाई सबेट्‌पुमिवा।’

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

२ पत्रुस 3:8

लावो द्‌वादीबुङ ङोप्‍सो़नी, ओराम कोले ल्‍वा गानी मेप्‍ल्‍वानी: ङाचो़काम लागि कोलेम को धु़मसङ थ (१,०००) मा को धु़मसङ थ कोलेम होप्‍मामङा बु।

थु़र्मा 28:27

हेङालोने ओर्मिम मु़चु़कु न-गो लुङ होप्‍माम दु़स्‍ताम बु, मा मेर्मिमकु नोफ्‍ला मेथो़पा दु़स्‍ताम बु, मा मेर्मिमका उनी मिक्‍सी क्रिम्मिडिम बु, मेएँ माला ने मेर्मिमका उनी मिक्‍सीका ल्‍वामिवा, नोफ्‍लाका थो़मिवा, न-गोका थेसिथेट्‌मिवा, मा ख्‍लोम्‍सिट्‌मिवा, मेम्‍मा गो मेर्मिमलाई सबेट्‌पुमिवा।’

१ पत्रुस 2:25

ताङताहेरथो़ लक्‍पा भेन्‍दा होप्‍माम गानी बान्‍नी। लावो ओम्‍लो गानीलाई बोपा-थार्पा नुङ इनी रेपा-क्रिपाथो़ गानी ख्‍लोन्‍सिट्‌निम बु।

२ थेसलोनिकी 1:10

ङाचो़ येशू योमिमिमनेम ओर्मिम खोत्‍ले ल्‍वा रोथी। सेपा उनीमा मु़चु़मिमका गुमीलाई डोक्‍पु बोमी मा गुमीडा थो़रलु़पा खोत्‍ले ङाङाया दु़म्‍साका गुमीलाई डोक्‍पु मिम्‍मी। गानी वो मेर्मिमनुङङा दु़म्‍नी, हेङालोने गुकु ल्‍वात्तोको-सो़त्तोकोम ल्‍वाडा थो़रलु़न्‍नी।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

लूका 1:16

गुका हापा इस्राएलीमिमलाई मेर्मिमकु माम्‍चु़नीथो़ ख्‍लोकु़मी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

थु़र्मा 17:26

माम्‍चु़नीका कोले मु़चु़लामका ङा सुबुडा बाट्‌पा खोत्‍ले सामामिम प्रङ्‌मिडी, मा मेर्मिम हाम्‍सिसम्‍म बान्‍ते बुमु बासी र्‍वाक्‍पा गुमीका ङादो मुलु़ बेम्‍डिम बु।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 3:21

माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।

थु़र्मा 1:6

मे थु़र्मामिम खोम्‍सिम्‍डिमा येशूनुङ हिलाबेम्‍डी, “ए ङाचो़, हाम गानी इस्राएल किब्‍दी ङादोम होप्‍माम ङा आथावो बनेबोनिमिम?”

रेम्‍बेट्‌मिडिम ल्‍वा 21:4

गुमीका मेर्मिम खोत्‍लेकाम मिक्‍सीडाम प्‍ल बम्‍सामी। मेर्मिम आथा ने मेसिमी, मेख्राम्‍मी मेदुमी मा उनी थो़म्‍बोक ख्‍वाक्‍पा दु़खा मेदु़म, हेङालोने ङादोम ल्‍वामिम दाम्‍स्‍ल्‍याड्‌डाम बु।”

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

थु़र्मा 3:20

मा गुमीका इनीमा लागि ङादो ङा थुट्‌मिडिम ख्रीष्‍ट थु़र्मी, मेराम ने येशू ङा सो़।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

लूका 22:57

लावो पत्रुसका आरे र्‍वाक्‍तामा गो ने मेएँ र्‍वाक्‍ता, “ए तोङमा, गुमीलाई गो मेछेपुमी।”