थु़र्मा 3:16 - थुलुङ राई

¹⁶ उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

थु़र्मा 3:16 Referans Kwoze

थु़र्मा 14:9

पावलका जो़पा-सेला दो़स्‍तु़म मेरामका थो़स्‍तु़होम बाइडा। पावलका मेरामलाई रेप्‍डु़म-रेप्‍डु़म ङा बु़डु़, मा सपा मेरामकु थो़र ल्‍वास्‍तु़।

थु़र्मा 4:10

इस्राएलडाम खोत्‍ले मु़चु़का नुङ गानी खोत्‍लेका चनी, गानी येशूलाई क्रूसडा चेट्‌नी, लावो माम्‍चु़नीका गुमीलाई सिमुलाम फम्‍डी, ओराम मु़चु़ मेराम नासरतडाम येशू ख्रीष्‍टकु नङडा ङा सस्‍ता, मा इनी ङादोडा येम्‍तासिमिम बु।

थु़र्मा 3:6

मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

मत्ती 9:22

येशू चङथो़ ख्‍लोम्‍सीम्‍डिमा रेप्‍मिडिलो मे मेसेमलाई ल्‍वाम्‍डिमा र्‍वाम्‍डी, “ए तोङमा, मेङिसा, इमा थो़रका गाना सन्‍नाम बु।” मेकोतिलोङा मे मेसेम सस्‍ल्‍याड्‌डा।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

यूहन्‍ना 14:12

“आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

थु़र्मा 4:7

मेकोतिमा मेर्मिमका पत्रुस नुङ यूहन्‍ना उनी ङादोडा येम्‍सिबेट्‌मिडिमा हिलाबेम्‍डी, “उहेम यु़मका डे सु़कु नङडा डे गाची ओ खेल ब्‍लेट्‌पा मु़चु़लाई सबेच्‍चिम?”

थु़र्मा 3:8

मेराम हुचिबक्‍तामा येम्‍स्‍ता, मा लाम्‍दिमु चो़म्‍डु़। मेकोतिमा लाम्‍दित्तो, प्रोक्‍तो, माम्‍चु़नीकु नङ कोक्‍तो मेर्चिपनुङ ङा सो़रनेमगोनो हुङडा।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

यूहन्‍ना 7:23

कोङ चो़च्‍चो़कु खिरिरि-क्रिप्‍सी ङेम्‍सिमुनेम बोनिमिम ने मोशाकु डु़म्‍लाकु कोर्थो़लाम मेदु़म माला ङेम्‍सिमुनेम कोले मु़चु़लाई खोत्‍ले उ मिरो़म सबेट्‌पुमिमडा हेङा गोनुङ छोक्‍चो बोनी?

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

मत्ती 14:29

येशूका र्‍वाम्‍डी, “बिकाका मा!” मेकोतिमा कुबी-बोक्‍सालामका पत्रुस लुक्‍तामा कुकु थेम-थेम येशूकाडा लस्‍ता।