थु़र्मा 3:14 - थुलुङ राई

¹⁴ लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

थु़र्मा 3:14 Referans Kwoze

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

याकूब 5:6

इनीमा कोर्थो़लाम मेबक्‍पा जो़पा मु़चु़लाई गानी मुमा बेट्‌नीमा सेट्‌निम बु।

थु़र्मा 22:14

“मेकोतिमा गुका र्‍वाक्‍ता, ‘इकीमा ङाउ-खुउमिमकु माम्‍चु़नीका गाना उनीमा न थेसिथेन्‍मु मा माम्‍चु़नीकु न-गोनुङमा येशूलाई ल्‍वामु मा गुमीका जेमिमिम थो़मु गानालाई थुट्‌नामिम बु।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

थु़र्मा 2:27

हेङालोने गानी गोलाई सु़लु़मगोनो मेर्पाजो़ल्‍ङिनी, गानी इनीमा नङका साट्‌माकु मिरो़म झिम्‍मु मेग्‍वानी,

लूका 23:25

रोमी सरकारकु कोर्थो़लाम बक्‍ता, मा मु़चु़ सेड्‌डु़मका चक्‍मा बारब्‍बालाई मु़चु़मिमका बिम्‍डिम होम्‍साकाङा पिलातसका डिसोड्‌डु़। लावो येशूलाई ने मेर्मिमकु न होङङा सेन्‍मु लागि सिपाहीमिमकु ल्‍वाड्‌डा ग्‍वाक्‍तु़मी।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

मर्कूस 15:11

लावो ङाउ डु़म्‍लाचो़मिमका सेर्पा मु़चु़मिमलाई कोम्‍डिमा मेर्मिमलाई गुका बारब्‍बा ङा डिट्‌नु़ र्‍वाबेट्‌मिडिम बाइडा।

मर्कूस 15:7

रिबुसी किट्‌मिडिम थारीका मु़चु़ सेट्‌पा रिबुसीचो़मिम चम्‍डिमा जु़ल्‍मिडिम बाइडा। मेर्मिमगोडाम बारब्‍बा नङकाम कोले मु़चु़ वो मेगोडा बाइडा।

मत्ती 27:20

लावो ङाउ डु़म्‍लाचो़मिम नुङ ङाउमिमका बारब्‍बालाई डिन्‍सोमु, मा येशूलाई सेन्‍मु बासी र्‍वाक्‍नी बेसाका सेर्पा मु़चु़लाई लेम्‍मिडी।

यूहन्‍ना 16:10

गो आमा पापकाला लङुमिमलामका माम्‍चु़नीनुङ जो़पा दु़म्‍ङुमिम र्‍वाक्‍पा गुमीका सु़म्‍दिसेरलाई रेम्‍बेन्‍मी। मेम्‍मा ल्‍वाला मेसो़ङ्‌सिङु।

यूहन्‍ना 18:40

मेर्मिमका आथावो आरे र्‍वाक्‍तो येम्‍डी, “मेरामलाई मेएँ, बारब्‍बालाई डिट्‌नी।” बारब्‍बा ने कोर्थो़लाम बक्‍साका क्‍वाल्‍बा बेपा मु़चु़ बाइडा।

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

थु़र्मा 13:28

येशू सेन्‍मु बासिट्‌पा ल्‍वा मेर्मिमका हाम वो मेडार्मिवा, लावो गुमीलाई सेन्‍मु ङा बासी र्‍वाक्‍साका पिलातसनुङ र्‍वाम्‍डिम-र्‍वाम्‍डिम बेम्‍डी।