थु़र्मा 3:13 - थुलुङ राई

¹³ अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

थु़र्मा 3:13 Referans Kwoze

थु़र्मा 7:32

‘गो इमा ङाउ-खुउ अब्राहाम, इसहाक नुङ याकूबकु माम्‍चु़नी।’ ओराम थो़स्‍तु़मा मोशा उ ङिमुका रुड्‌डु़मा गुका मेरामथो़ रेम्‍मुङा मेचाप्‍सु़वा।

मत्ती 22:32

‘गो अब्राहामकु माम्‍चु़नी, इसहाककु माम्‍चु़नी, मा याकूबकु माम्‍चु़नी’ र्‍वाक्‍साका र्‍वाम्डिम ल्वा गानी डाट्‌निम मिबु? सिपामिमकु माम्‍चु़नी गुमी मेएँ, नु़पामिमकु माम्‍चु़नी गुमी।”

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

यूहन्‍ना 19:15

लावो मेर्मिमका डोक्‍पु लो़लामका येत्तो र्‍वाम्‍डी, “ओरामलाई लक्‍नी, ओरामलाई क्रूसडा चेट्‌नी।” पिलातसका हिलाबु़डु़, “हाम गो इनीमा हपलाई क्रूसडा चेन्‍मु?” ङाउ डु़म्‍लाचो़मिमका र्‍वाम्‍डी, “कैसर कोङङा आकीमा हप।”

यूहन्‍ना 19:12

मेकोतिमा पिलातसका येशूलाई डिन्‍सोमु न बु़डु़। लावो यहूदीमिम आरे र्‍वाक्‍तो येम्‍डी, “मेराम मु़चु़लाई डिन्‍सोट्‌नी माला गानी कैसरकु ङोप्‍सो़ मेएँ। सु़का गो हप र्‍वाक्‍साका जे, मेराम कैसरकु कोर्थो़लाम ब।”

यूहन्‍ना 18:40

मेर्मिमका आथावो आरे र्‍वाक्‍तो येम्‍डी, “मेरामलाई मेएँ, बारब्‍बालाई डिट्‌नी।” बारब्‍बा ने कोर्थो़लाम बक्‍साका क्‍वाल्‍बा बेपा मु़चु़ बाइडा।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

थु़र्मा 22:14

“मेकोतिमा गुका र्‍वाक्‍ता, ‘इकीमा ङाउ-खुउमिमकु माम्‍चु़नीका गाना उनीमा न थेसिथेन्‍मु मा माम्‍चु़नीकु न-गोनुङमा येशूलाई ल्‍वामु मा गुमीका जेमिमिम थो़मु गानालाई थुट्‌नामिम बु।

यूहन्‍ना 12:16

येशूकु सीसिपामिमका ओर्मिम ल्‍वा ङादो थेसिमेथेट्‌मिवा। लावो येशूकु यु़म-झ्‍वाक्‍सीडाम चङ्‌डा मेर्मिमका ओर्मिम खोत्‍ले ल्‍वामिम उनीमा दुथाम र्‍याक्‍मा बाइडा। मेम्‍मा मे मु़चु़मिमका उनीमा लागि ओर्मिम खोत्‍ले बेम्‍डिम रेछा र्‍वाक्‍साका थेसिथेट्‌मिडी।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

लूका 23:4

पिलातसका ङाउ डु़म्‍लाचो़मिम नुङ सेर्पा मु़चु़मिमलाई र्‍वाक्‍ता, “ओराम मु़चु़का मेजो़पा खारी बु़डु़म गो हाम वो मेडारु।”

मर्कूस 15:11

लावो ङाउ डु़म्‍लाचो़मिमका सेर्पा मु़चु़मिमलाई कोम्‍डिमा मेर्मिमलाई गुका बारब्‍बा ङा डिट्‌नु़ र्‍वाबेट्‌मिडिम बाइडा।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

मत्ती 27:2

मेम्‍मा मेर्मिमका गुमीलाई बसाका लम्‍डिमा रोमी किब्‍दी साखामचो़ पिलातसलाई ग्‍वाम्‍डी।

मत्ती 20:19

मेकोतिमा गुलाई नालेडान्‍मु, कोक्‍तेकु रिवाका याल्‍मु, मा क्रूसडा चेन्‍मु मेर्मिमका वाङसामाकाडा ग्‍वामी। लावो सुलेम नेम गु सिमुलाम बगे।”

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

लूका 22:57

लावो पत्रुसका आरे र्‍वाक्‍तामा गो ने मेएँ र्‍वाक्‍ता, “ए तोङमा, गुमीलाई गो मेछेपुमी।”