थु़र्मा 3:1 - थुलुङ राई

¹ कोलेम पत्रुस नुङ यूहन्‍ना सो़रनेमथो़ लक्‍तोङा बेच्‍ची। मेकोतिलो नेम्‍फुम सु जेस्‍ताम बाइडा। मेराम थारीका मेर्मिमका सो़म्‍दी बेम्‍थाल्‍मिडी।

थु़र्मा 3:1 Referans Kwoze

थु़र्मा 10:3

कोलेम नेम्‍फुम सु जेस्‍ताम बिलि कर्नेलियसका मिक्‍सीलामडा माम्‍चु़नीकु पाह्रीचो़ उ त्‍वापथो़ योक्‍तोङा बेपा, मा मे पाह्रीचो़का गुलाई “कर्नेलियस” र्‍वाक्‍तामा डाड्‌डु़म जो़होमका थो़स्‍तु़।

थु़र्मा 4:13

मेर्मिमका पत्रुस नुङ यूहन्‍ना थेट्‌पा-चक्‍पा मु़चु़ ने मेएँ र्‍वाक्‍पा चम्‍डी, लावो मेर्चिप मेङिसाका जेच्‍चिम ल्‍वाम्‍डिमा मेर्मिम ङाङाया दु़म्‍मिडी। मेकोतिमा मेर्चिप येशूनुङ बाथाल्‍ची र्‍वाक्‍पा वो मेर्मिमका चम्‍डी।

लूका 1:10

मेगोनो धूप घ्रु़डाम थारीका पाखानो खोम्‍सिम्‍डिम सेर्पा मु़चु़ खोत्‍लेका सो़म्‍दी बेत्तोङा लेट्‌मिडी।

थु़र्मा 5:25

कोले मु़चु़ रोक्‍तामा मेर्मिमनुङ र्‍वाक्‍ता, “थो़नी, गानी झ्‍यालखानडा चक्‍निमिम मु़चु़मिमका ने सो़रनेमगोडा येम्‍तासिट्‌मिमा मु़चु़मिमलाई सीमिहोम बुमी।”

लूका 24:53

मेकोतिमा मेर्मिमका हाङकोलो लोवो सो़रनेमगोडा माम्‍चु़नीकु नङ कोम्‍डिम बाम्‍डी।

थु़र्मा 8:14

सामरियाडाम मु़चु़मिमका माम्‍चु़नीकु सिजेमडा थो़रलु़म्‍डी र्‍वाक्‍पा थो़म्‍डिमा यरूशलेमडा बाट्‌पा थु़र्मामिमका पत्रुस नुङ यूहन्‍ना मेर्मिमकाडा थु़र्मिडिची।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

यूहन्‍ना 21:7

मेम्‍मा येशूका छो़म रिखाम बेम्‍डिम सीसिपाका पत्रुसलाई र्‍वाक्‍ता, “गुमी ने ङाचो़ रे रेछा।” सिमोन पत्रुसका “गुमी ने ङाचो़ रे रेछा” र्‍वाक्‍पा थो़स्‍तु़मा गुका उमा ब्‍लाङमा-ये कम्‍मरडा बड्‌डु़, हेङालोने गुका उमा ब्‍लाङमा-ये प्‍लु़स्‍तु़म बाइडा। मेम्‍मा दिरिदिनगोयु़ झुस्‍ता।

लूका 22:8

येशूका पत्रुस नुङ यूहन्‍नालाई आरे र्‍वाम्‍डिमा थु़र्मिडी, “लक्‍चिमा इकीमा लागि सेल्सिमुनेमकु चाडकाम ग्रुला खोक्‍जो़ल्‍ची।”

मत्ती 26:37

गुमीका पत्रुस नुङ जब्‍दियाकु तारापाचो़चिप याकूब नुङ यूहन्‍नालाई गुमीनुङङा लम्‍डी। गुमी छो़म मेभ्रम्‍सिट्‌मिवा, मा उनी न-गो खेमल्‍यामु चो़म्‍डु़।

मत्ती 17:1

रुलेम चङडा येशूका पत्रुस, याकूब नुङ उ ल्‍वाक यूहन्‍नालाई कोङङा लम्‍डिमा कोले येप्‍पा पोप्‍चङडला लम्‍डी।

थु़र्मा 10:30

मेकोतिमा कर्नेलियसका र्‍वाक्‍ता, “ब्‍ललेम ङादो ओराम थारीकाङा नेम्‍फुम सु जेस्‍ताम बिलि नेमडा गो सो़म्‍दी बेउतोम बाङडो। मेकोतिलो कोचोत्ति बुबुयाम ये फतासिट्‌पा कोङ पाह्रीचो़ आमा ङादोडा रेम्‍बेसिड्‌डा,

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

मत्ती 27:45

नेम्‍फुम को-न (१२) जेस्‍तालो आथाम सु जेस्‍तामसम्‍म खोत्‍लेथो़ तुकुम्‍चिमका हुप्‍डु़।

लूका 18:10

“फरिसी नुङ कर फक्‍पा मु़चु़ सो़रनेमगोडा सो़म्‍दी बेप्‍डा लक्‍ची।

थु़र्मा 3:3

पत्रुस नुङ यूहन्‍ना मे सो़रनेमगोनो हुत्तोङा बेच्‍चिम ल्‍वास्‍तु़मा मेरामका मेर्चिपनुङ बिमु चो़म्‍डु़।

थु़र्मा 3:4

मेर्चिपका मेरामलाई रेप्‍चिम-रेप्‍चिम ङा बेच्‍चिमा पत्रुसका र्‍वाक्‍ता, “गुचुकुथो़ रेप्‍डा!”