थु़र्मा 28:8 - थुलुङ राई

⁸ पब्‍लियसकु पाप डार्चु़मोका नुङ सिसि-एपा सोमोरीका झार्ल्‍याक्‍पा बाइडा। पावलका गुलाई क्रो़म्‍डा लस्‍तामा मेरामडला ल्‍वा जु़ल्‍साका सो़म्‍दी बु़डु़मा सबेड्‌डु़।

थु़र्मा 28:8 Referans Kwoze

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

मर्कूस 6:5

गुमीका मेसिन्‍डा कोङ-कोङ नो़पामिमडला ल्‍वा जु़ल्‍साका सबेट्‌मिडिमडाम वाङमी यु़म-खारी हाम वो बोमु मेचाप्‍मिवा।

मर्कूस 16:18

मेर्मिमका ब्‍लो जेन्‍मी, मा ङे ङा पोमी-डुमी लावो मेर्मिम हाम वो मेदु़म्‍मी। मेर्मिमका नो़पामिमडला उनी ल्‍वा जु़ल्‍मी, मा नो़पामिम वो सम्‍ल्‍याट्‌मी।”

मत्ती 9:18

येशूका मेर्मिमनुङ ओराम ल्‍वा र्‍वाक्‍तोङा लेट्‌मिडिलो घ्रो़म्‍दीनेमडाम ङाउ रोक्‍ता, मा येशूकु ङादोडा क्रचु़खुम बेत्तो आरे बु़डु़, “ङाचो़, आमा जाउमोचो़ मालोङा सिडा, लावो गानी रोक्‍नीमा गुडला ल्‍वा जु़ल्‍नी माला गानी गुलाई आथावो नु़बेन्‍मु चाम्‍नी।”

१ कोरिन्थी 12:28

माम्‍चु़नीका मण्‍डलीडा आरेसाका जु़ल्‍मिडिम बु, ङादोमडा थु़र्मामिम, मेरामकु चङडा माम्‍चु़नीलाम जेपामिम, मेकोतिमा सीपा मु़चु़मिम। मेम्‍मा हेल्‍लो वो मेल्‍वाम्‍मा खारी बेपामिम, मा नो़पामिमलाई सबेट्‌पा राप्‍लावा ल्‍वापामिम, वाङमिमलाई ख्‍लो़पामिम, मण्‍डली रेपा बेपा मु़चु़मिम, वाङ सामा ल्‍वा जेमु राप्‍लावा ल्‍वापामिम।

१ कोरिन्थी 12:9

कोङनिमलाई मेराम पेललामकाङा थो़रलु़पा, मा कोङनिमलाई मेराम पेललामका नो़पा मु़चु़ सबेट्‌पा राप्‍लावा ग्‍वाम्‍डिम बु।

मत्ती 10:8

नो़पा मु़चु़मिमलाई सबेट्‌नी, मा सिपा मु़चु़मिमलाई सिमुलामका फक्‍नी, जोन बेट्‌पा मु़चु़मिमलाई सेपा दु़म्‍बेट्‌नी, मुनाङमिमलाई कोल्‍नी। मेडेङा गानी ल्‍वान्‍नी, मेडेङा वाङमिमलाई वो ग्‍वाक्‍नी।

मत्ती 10:1

येशूका को-न (१२) उनी सीसिपामिमलाई येट्‌मिडी, मा मुनाङ कोल्‍पा, मा खोत्‍ले सोमोरी नुङ नो़सी सबेट्‌पा साखाम मेर्मिमलाई ग्‍वाम्‍डी।

लूका 13:13

मेकोतिमा गुमीका मेराम मेसेमडला उनी ल्‍वा जु़ल्‍मिडी, मा मेकोतिलोङा उ चङ थो़न्‍थो़न्‍या दु़स्‍तामा येम्‍स्‍ल्‍याड्‌डा। मेम्‍मा माम्‍चु़नीकु नङ कोमु चो़म्‍डु़।

लूका 4:40

नेम गाम्‍डाम चङडा हापा खाल-खालकाम सोमोरीका नो़पा खोत्‍लेलाई मु़चु़मिमका येशूकाडा रेट्‌मिडी। गुमीका मेर्मिमडला उनी ल्‍वा जु़ल्‍मिडिमा खोत्‍लेलाई सबेट्‌मिडी।

मर्कूस 7:32

मेसिन्‍डा मु़चु़मिमका नोफ्‍लाका मेथो़पा नुङ जो़होमका मेजेपा कोले मु़चु़ उनीमाडा रेट्‌मिडी मा मेर्मिमका, “इनी ल्‍वा जु़ल्‍नी” र्‍वाम्‍डिम-र्‍वाम्‍डिमङा बेम्‍डिम बाम्‍डी।

मर्कूस 5:23

मेकोतिमा “आमा नानी सिमुङा खाप्‍डु़म बु। मेम्‍मिमका गानी बिक्‍नीमा गुडला इनीमा ल्‍वा जु़ल्‍नी। मेकोतिमा गु सनु़, मा नु़नु़” र्‍वाक्‍ताम-र्‍वाक्‍तामङा बु़डु़।

मत्ती 12:13

मेकोतिमा गुमीका मेराम मु़चु़लाई र्‍वाम्‍डी, “इमा ल्‍वा हम्‍डा!” मा गुका उ ल्‍वा हम्‍डु़। मेम्‍मा मेरामकु ल्‍वा कोङमी ल्‍वा होप्‍मामङा नु़पा दु़स्‍ल्‍याड्‌डा।

थु़र्मा 28:7

मेराम टापुडाम उनी डोक्‍पु मु़चु़ पब्‍लियसकु ये-द मेराम फारबाडे ङा बाइडा। पब्‍लियसका गुकुलाई उमा नेमडा लक्‍तिकिमा पोमु-डुमु ग्‍वाक्‍तिकी। गुकु मेरामकु नेमडा सुलेम बात्तोको।

थु़र्मा 28:9

ओराम थो़म्‍डिमा मेसिन्‍डा बाट्‌पा सोमोरीनुङमा वाङमिम हापा मु़चु़ वो रोम्‍डी, मा पावलका सबेड्‌डु़मी।