थु़र्मा 28:23 - थुलुङ राई

²³ मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

थु़र्मा 28:23 Referans Kwoze

थु़र्मा 19:8

पावल यहूदीमिमकु घ्रो़म्‍दीनेमगोडा लस्‍तामा सु मुनामसम्‍म मेङिसाका मु़चु़मिमलाई सीड्‌डु़मी। गुका माम्‍चु़नीकु किब्‍दीकु दुथाम जो़होमका सीत्तो मेर्मिमलाई थेसिथेन्‍बेड्‌डु़मी।

थु़र्मा 18:28

हेङालोने गुका माम्‍चु़नीकु सिजेमलामका जेस्‍तामा येशू ङा ख्रीष्‍ट र्‍वाक्‍पा ल्‍वा रेम्‍बु़डु़, मा यहूदीमिमलाई खोत्‍लेकु ङादोडा ल्‍वालाम खाल्‍तो हाम र्‍वामु-र्‍वामु दु़म्‍बेड्‌डु़मी।

थु़र्मा 26:6

“माम्‍चु़नीका आकीमा ङाउ-खुउमिमनुङ ङादो र्‍वाम्‍डिम ल्‍वा लथाक्‍तोमका ङा गो आसिन्‍डा इनीमा ङादोडा येम्‍सिमु बास्‍ताम बु।

थु़र्मा 8:35

फिलिपका ओराम माम्‍चु़नीकु सिजेमलामका ङा मेरामलाई येशू ख्रीष्‍टकु दुथाममिम जो़पा-सेला थो़बेन्‍मु चो़म्‍डु़।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

थु़र्मा 18:4

ङेम्‍सिमु-ङेम्‍सिमुनेमका पावल घ्रो़म्‍दीनेमडा लस्‍ता, मा यहूदीमिम नुङ ग्रीकमिमलाई जो़होमका येशूकु दुथाम सीत्तो थेसिथेन्‍बेथाल्‍लु़मी।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

फिलेमोन 1:2

मेम्‍मा इकीमा रिचो़ अप्‍फिया, छो़म मेझापातो खारी बेपा सिपाही होप्‍माम गुकुनुङ खारी बेपा अर्खिप्‍पस नुङ इमा नेमडा खोम्‍सिक्‍पा मण्‍डलीलाई वो ओराम सेलाखाजेम र्‍याक्‍चोकोम बु।

मर्कूस 4:34

येशूका सीसि-सो़म्‍दी मान्‍थि मेर्मिमलाई हाम वो मेसिन्‍थाल्‍मिवा, लावो उनी सीसिपामिमलाई ने उनी त्‍वापङा दु़म्‍मिडिम थारीका मेरामका र्‍वामु मालु़मिम ल्‍वा जो़होमका थेसिथेन्‍बेन्‍थाल्‍मिडी।

लूका 16:28

हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

थु़र्मा 1:3

क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

थु़र्मा 28:31

पावलका मेङिसाका ङा माम्‍चु़नीकु किब्‍दीकु दुथाम मु़चु़मिमलाई थो़बेड्‌डु़मी, मा येशू ख्रीष्‍टकु दुथाम सीड्‌डु़मी, मा सु़का वो गुलाई मेम बोमुडाम मेभोप्‍मिवा।

फिलेमोन 1:22

मेम्‍मा आथावो कोङमी ल्‍वा: गो बुमु लागि बाखोप बनेबेजो़ला, हेङालोने माम्‍चु़नीका इमा सो़म्‍दी थो़मी, मा दालाङा इमाडा ख्‍लोम्‍सिमु ग्‍वाङमी र्‍वाक्‍पा न बेउहोम बुङु।