थु़र्मा 28:2 - थुलुङ राई

² मेसिन्‍डाम देल्‍पामिमका गुकुडला छो़म न-थो़म रेम्‍बेम्‍डी। व योक्‍तामा जु लु़डामका मेर्मिमका मु होट्‌मिडिमा गुकुलाई झु़ड्‌डा येत्तिकी।

थु़र्मा 28:2 Referans Kwoze

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

रोमी 1:14

हेङालोने ग्रीक लोवो ग्रीक मेएँ लोवो, नेप्‍चीनुङमा लोवो नेप्‍ची मान्‍थिम लोवो, खोत्‍लेलाई जो़पा-सेला थो़बेन्‍मुङा बासिक्‍पा बु।

२ कोरिन्‍थी 11:27

गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

थु़र्मा 28:4

मे देल्‍पामिमका पावलकु ल्‍वाड्‌डा ब्‍लो रिम्‍तासिट्‌पा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, “ओराम मु़चु़ ने मु़चु़ सेट्‌पा ङा दु़म्‍मु बासी। ओराम मु़चु़ दिरिदिनलामका ने सेल्‍सिड्‌डामा लुक्‍ता, लावो नो़पमाकु नियालामका ने सेल्‍सिमु मेचाप्‍सु़।”

१ कोरिन्थी 14:11

कोङनिमका जेमिमिम ल्‍वा थेसिमेथेट्‌पुवा माला उमा लागि गो वाङ नेब्‍दीलामका रोक्‍पा दु़म्‍ङु मा गु आमा लागि वाङ नेब्‍दीलामका रोक्‍पा दु़म।

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”

थु़र्मा 27:3

उ दिकाम गुकु सीदोन शहरडा लुक्‍तोको। युलियसका पावलडला न-थो़म रेम्‍बु़डु़मा पावल उ ङोप्‍सो़मिमकाडा थु़र्साका चाहेदु़म्‍पा ल्‍वामिम ख्‍लो़ला सो़सा बु़डु़।

रोमी 2:27

गानी खिरिरि क्रिपा यहूदीमिम खिरिरि मेक्रिपा वाङसामामिमलाम मुमा बेन्‍ला सो़न्‍सिनी हेङालोने गानी र्‍याक्‍मा डु़म्‍ला बाट्‍पा मा खिरिरि क्रिपा लोवो गानी डु़म्‍ला होम्‍साका मेदोनी माला खिरिरि मेक्रिपा वाङसामामिम ने डु़म्‍ला होम्‍साका दोमी।

यूहन्‍ना 18:18

जु लु़पा थारी बाइडामका डु़ल्‍चो़मिम नुङ सो़रनेम लपामिमका मु झु़त्तोङा बेम्‍डी। पत्रुस वो मेर्मिमनुङ येम्‍तासिसाका मु झु़त्तोङा लेड्‌डु़।

थु़र्मा 28:3

पावलका वो को बालाम सङ रेड्‌डु़मा चायु़डु़। मुकु सामका कोले ब्‍लो लुक्‍तामा पावलकु ल्‍वाड्‌डा रिम्‍सिड्‌डा।

रोमी 14:1

याक्‍के थो़रनुङमा मु़चु़लाई हुनाखाना बेनी, लावो गुका जेमिम ल्‍वाडा मुमा बेसाका रिबुसी मेकिट्‍नी।

रोमी 14:3

खोलेम थोक पेपाका घ्रेनेम-योचु़म कोङङा पेपा थो़रलु़पालाई मेजो़पा मेमिम्‍नु़। मेम्‍साकाङा मेपेपाका पेपालाई मुमा मेबेट्‍नु़ हेङालोने मे याक्‍के थो़रनुङमा थो़रलु़पामिमलाई वो माम्‍चु़नीका येट्‌मिडिम सो़।