थु़र्मा 28:15 - थुलुङ राई

¹⁵ रोमडा बाट्‌पा थो़रलु़पामिमका गुकु रोक्‍तोङा बोकु र्‍वाक्‍पा थो़म्‍डिमा अप्‍पियसडाम बजार नुङ ‘सु पाटी’ र्‍वाक्‍माडा घ्रो़म्‍डा रोम्‍डिम बाइडा। ओर्मिमलाई ल्‍वास्‍तु़मिमा पावलका माम्‍चु़नीलाई आलासो़ ग्‍वाक्‍तु़मा उमा सो हन्‍डा।

थु़र्मा 28:15 Referans Kwoze

हिब्रू 13:3

गानी वो मे चसिक्‍पा मु़चु़मिमनुङङा चन्‍सिट्‌निम होङङा मिम्‍नी, मा मेजो़पा बेम्‍डिम मु़चु़मिमनुङङा इनी मिरो़मडा मेजो़पा बेला सो़न्‍सिट्‌निम होङङा मेर्मिमलाई मिम्‍नी।

रोमी 15:24

गो मेराम लाम्‍दी दु़म्‍तो स्‍पेन लङुलो गानीनुङ घ्रो़म्‍डा रोक्‍पा न बु, मा कोलेम नलेम गानीनुङ बाट्‍पा न वो बेउतोम बु। मेम्‍लो स्‍पेनसम्‍म लमु लागि गानी गोलाई ख्‍लो़ङिनी डे र्‍वाक्‍पा आमा नडा मिम्‍तोम बु।

गलाती 4:14

मेम्‍लो गो नो़ङडोमका गानीलाई दु़खा दु़स्‍ता लोवो गोलाई मेद्‍वाक्‍साका हानो-हानोङा मेबेङ्‌निवा। लावो माम्‍चु़नीकु कोले पाह्रीचो़ नुङ येशू ख्रीष्‍टलाई बेन्‍निम होङ्‍ङा हुनाखाना बेङ्‌डिनी।

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

थु़र्मा 10:25

पत्रुस मेगोडा रोक्‍तालो कर्नेलियसका क्रो़म्‍डु़, मा उ खेल चु़म्‍साका सेव साड्‌डु़।

यूहन्‍ना 12:13

मेम्‍मा मु़चु़मिमका खजुरकु ग्रेम झेट्‌मिडिमा येत्तो गुमीलाई क्रो़म्‍डा लम्‍डी, “होसन्‍ना! मिप्रङमाकु नङडा योक्‍पा आलाकाम इस्राएलडाम हप।”

१ थेसलोनिकी 3:7

मेम्‍मिमका वा-ल्‍वाकनी, इनीमा थो़रका खोत्‍ले आकीमा दु़खाडा नुङ थो़मतेर्सीडा वो आकीमा सो हन्‍डाम बु।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 10:23

मेकोतिमा पत्रुसका मेर्मिमलाई मेराम नेम्‍था बुमु नेमगोनो येड्‌डु़मी। उ दिकाम नेम पत्रुस झो़म्‍सिड्‌डामा मेर्मिमनुङ लस्‍ता। योप्‍पाडाम कोले नले थो़रलु़पामिम वो पत्रुसनुङ लम्‍डी।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

थु़र्मा 11:12

माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

थु़र्मा 28:14

मेसिन्‍डा गुकु येशूडा थो़रलु़पामिमलाई डार्तोको, मा मेर्मिमका येतलेमसम्‍म गुकुलाई बुइ र्‍वाम्‍डी। आरेसाका गुकु रोम शहरडा रोक्‍फात्तोको।