थु़र्मा 27:5 - थुलुङ राई

⁵ गुकु मेराम ङा दिरिदिन दु़म्‍तो किलिकिया नुङ पामफिलिया रोक्‍थितोको, मा लुकियाकु कोङ शहर माइराडा रोक्‍फात्तोको।

थु़र्मा 27:5 Referans Kwoze

थु़र्मा 6:9

लावो याङ-याङ ने स्‍तिफनसकु कोर्थो़लाम बमु चो़म्‍मिडी। मेर्मिम फ्‍वाक्‍मा डु़ल्‍चो़मिमकु सामा घ्रो़म्‍दीनेमडाम मु़चु़मिम, मा कुरेनी, अलेक्‍जेन्‍ड्रिया, किलिकिया नुङ एशियाडाम खोत्‍ले मु़चु़मिम बाम्‍डी।

थु़र्मा 13:13

पावल नुङ उ ङोप्‍सो़मिम पाफोस शहरलामका डोक्‍पु कुबी-बोक्‍साडा हुम्‍डिमा पामफिलियाकु पर्गा शहरडा रोम्‍डी। मेकोतिमा मर्कूस र्‍वाक्‍मा यूहन्‍नाका मेर्मिमलाई पार्जो़ल्‍लु़मिमा गु यरूशलेमथो़ ख्‍लोस्‍ता।

गलाती 1:21

मेकोतिमा गो सिरिया नुङ किलिकिया इलाकाथो़ लङ्‌डो।

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

थु़र्मा 21:39

पावलका र्‍वाक्‍ता, “गो किलिकियाकु डोक्‍पु शहर टार्ससडाम नागरिक यहूदी सो़। गो गानीनुङ र्‍वाङु, ओर्मिम मु़चु़मिमनुङ कोले-नले ल्‍वा जेमु ग्‍वाङ्‌नी।”

थु़र्मा 15:41

मण्‍डलीडाम मु़चु़मिमलाई उनी सो हन्‍बेसाक्‍तो पावल सिरिया नुङ किलिकियाबाडे लस्‍ता।

थु़र्मा 15:38

लावो पावलका मर्कूस र्‍वाक्‍मा यूहन्‍नालाई उची त्‍वापनुङ लमु न मेबु़वा। हेङालोने गु पामफिलियालामका पावल नुङ बारनाबासडाम फ्‍वास्‍तामा लस्‍ताम बाइडा, मा मेर्चिपनुङ कोयो खारी बेप्‍डा मेलक्‍सावाम बाइडा।

थु़र्मा 15:23

मेकोतिमा मेर्मिमका मे ब्‍ललेमिमकु ल्‍वाडा ओराम सेलाखाजेम थु़र्सोम्‍डी: “एन्‍टिओखिया, सिरिया नुङ किलिकियाडा बाट्‌पा वाङसामा थो़रलु़पामिमलाई थु़र्मामिम नुङ एल्‍डरमिमकाम सेव!

थु़र्मा 2:10

फ्रिगिया, पामफिलिया, मिश्र नुङ कुरेनीडाम लिबियाकु याङ-याङ देललाम नुङ रोमलामका रोक्‍तिम यहूदी नुङ यहूदीदु़म्‍पामिम खोत्‍लेङा बुइ।