थु़र्मा 27:24 - थुलुङ राई

²⁴ मा गोनुङ र्‍वाक्‍ता, ‘मेङिसा पावल, गाना रोमी हप कैसरकु ङादोडा येम्‍सिमु ङा बासी, मा गाना बुनामिमका गानानुङ लक्‍पा खोत्‍लेलाई माम्‍चु़नीका सेल्‍निमी।’

थु़र्मा 27:24 Referans Kwoze

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

मत्ती 10:28

इनी साम फ्‍याक्‍पा, इनी पेल ने पुयु़लुबेन्‍मु मेचापा मु़चु़डाम मेङिनी, लावो इनी साम फ्‍याक्‍पा, मा इनी पेललाई खादीगोयु़ घ्रोमु चापा माम्‍चु़नीडाम ङिनी।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रेम्‍बेट्‌मिडिम ल्‍वा 1:17

गो गुमीलाई ल्‍वाउतो मा आमा सामङा लक्‍पा होङङा दु़म्‍ङोडोमा उनीमा खेल फारयु़ कुम्‍सिङ्‌डो। मेम्‍मा गोडला गुमीका उनीमा जो़प ल्‍वा जु़ल्‍मिडिमा र्‍वाम्‍डी, “मेङिसा, हुम-द नुङ चो़म-द गोङा सो़।

थु़र्मा 27:37

(डोक्‍पु कुबी-बोक्‍साडा गुकु न सङ येत-रुले (२७६) बात्तोको)

थु़र्मा 27:44

मेकोतिमा मेमका लमु मेचापामिम ने सङडलामका नुङ डोक्‍पु कुबी-बोक्‍साकु फ्‍वाक्‍चो़लमिमलामका होम्‍बु लक्‍नी बु़डु़मी। आरेसाका खोत्‍लेङा हे वो मेदु़म्‍साका दिरिदिनकु होम्‍बुनो लुम्‍डी।

थु़र्मा 25:11

गो सिमुका घ्रेट्‌पा कोङनिम खारी बेउतोम बु माला, गो सिमुडाम मेङिङु। लावो गो मेप्‍माम मेजो़पा खारी हाम वो बेउतोम मिबु माला सु़का वो गोलाई सेन्‍मु यहूदीमिमकु ल्‍वाड्‌डा ग्‍वामु मेचाप्‍सु़। कैसरका आमा रिबुसी ल्‍वाकु दुथाम रेम्‍साङिनु़ र्‍वाङु।”

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

यूहन्‍ना 11:9

येशूका र्‍वाम्‍डी, “हाम कोलेमका को-न (१२) घण्‍टा मेदु़म मा? नेप्‍सुङ बुलो लाम्‍दिपा मु़चु़का उमा खेल मेतुकु़, हेङालोने गुका ओराम सु़म्‍दिसेरकु ओल ल्‍वासु़।

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

थु़र्मा 27:31

पावलका कप्‍तान नुङ सिपाहीमिमलाई र्‍वाक्‍ता, “ओर्मिम मु़चु़ डोक्‍पु कुबी-बोक्‍सागोनो मेबामिवा माला गानी सामनुङमा मेदु़म्‍नी।”

थु़र्मा 27:42

चक्‍मामिम वाकु बेसाका स्‍वामी र्‍वाक्‍साका सिपाहीमिमका मेर्मिमलाई सेन्‍मु मुलु़ बेम्‍डी।

फिलेमोन 1:22

मेम्‍मा आथावो कोङमी ल्‍वा: गो बुमु लागि बाखोप बनेबेजो़ला, हेङालोने माम्‍चु़नीका इमा सो़म्‍दी थो़मी, मा दालाङा इमाडा ख्‍लोम्‍सिमु ग्‍वाङमी र्‍वाक्‍पा न बेउहोम बुङु।