थु़र्मा 27:23 - थुलुङ राई

²³ हेङालोने गो सो़रलोले बेउमिम आमा माम्‍चु़नीकु उनी पाह्रीचो़ बासिन्‍था आमाडा रोक्‍ता,

थु़र्मा 27:23 Referans Kwoze

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

थु़र्मा 18:9

कोङ सिन्‍था मिक्‍सीलामडा पावललाई ङाचो़ येशूका र्‍वाम्‍डी, “मेङिसा, जेत्तो लक्‍सा, मा लिबा मेबाया,

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

थु़र्मा 8:26

मेकोतिमा कोङ पाह्रीचो़का फिलिपनुङ र्‍वाक्‍ता, “बकामा रायलाथो़ लक्‍सामा यरूशलेमलामका गाजाथो़ लक्‍पा र्‍याङगो-र्‍याङगोडाम लाम्‍दी लक्‍सा।”

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

२ तिमोथी 2:24

माम्‍चु़नीकु डु़ल्‍चो़का रिबुसी किसि मेनु़, लावो खोत्‍लेनुङ दु़पा, सीमुचापा, इम्‍सिक्‍पा,

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

रोमी 1:1

माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

थु़र्मा 12:23

लावो माम्‍चु़नीकु नङ मेकोक्‍सु़वामका मेकोतिलोङा माम्‍चु़नीकु पाह्रीचो़का हेरोद हपलाई याक्‍तु़, मा क्रोडी छाम्‍डिमा सिडा।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।