थु़र्मा 27:2 - थुलुङ राई

² मेकोतिमा गुकु एड्रामिटेनोस शहरलामका एशियाडाम बन्‍दरगाह मिमलाम दु़म्‍तो लक्‍पा कोले डोक्‍पु कुबी-बोक्‍साडला हुत्तोकोमा लाम्‍दित्तोको। माकेडोनियाडाम थेसलोनिके शहरडा बाट्‌पा अरिस्‍तार्खस वो गुकुनुङ बाइडा।

थु़र्मा 27:2 Referans Kwoze

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।

फिलेमोन 1:24

मेम्‍साकाङा गोनुङ कोयोङा खारी बेपामिम: मर्कूस, अरिस्‍तार्खस, डेमास नुङ लूकाका वो सेव र्‍वाम्‍डिम बु।

कलस्‍सी 4:10

गोनुङङा चतासिक्‍पा अरिस्‍तार्खसका गानीलाई सेव र्‍वाक्‍ताम बु। बारनाबासकु रु़चु़ मर्कूसका वो गानीलाई सेव र्‍वाक्‍ताम बु। उमा दुथाम ङादो गो गानीलाई र्‍वामु दु़म्तोम बु। गु इनीमाडा रोक्‍ता माला जो़होमका हुनाखाना बेनी।

थु़र्मा 28:16

गुकु रोमडा रोक्‍तोको, मा पावललाई उ त्‍वाप ङा बुमु ग्‍वाम्‍डी। लावो कोले सिपाहीका गुलाई रेप्‍थाल्‍लु़।

थु़र्मा 28:12

मेकोतिमा सुराकुसाई र्‍वाक्‍पा शहरडा लुक्‍तोको, मा गुकु मेसिन्‍डा सुलेम बात्तोको।

थु़र्मा 28:10

मेर्मिमका गुकुलाई जो़होम-नु़होम बेत्तिकी। गुकु डोक्‍पु कुबी-बोक्‍साडा हुमु थारीका आकीमा लागि चाहेदु़म्‍पा मोमसोजाममिम मेगोडा फिक्‍साक्‍तिकिमी।

थु़र्मा 28:2

मेसिन्‍डाम देल्‍पामिमका गुकुडला छो़म न-थो़म रेम्‍बेम्‍डी। व योक्‍तामा जु लु़डामका मेर्मिमका मु होट्‌मिडिमा गुकुलाई झु़ड्‌डा येत्तिकी।

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

थु़र्मा 19:19

मेर्मिमगोडाम बैदाङ डाट्पामिमका उनी खाजेममिम खोप्‍मिडिमा रेट्‌मिडी, मा खोत्‍लेकु ङादोडा चाम्‍डी। मेर्मिमका मेर्मिम खाजेमकु थि ङार्मिडिलो ङो सङसङ (५०,०००) मतोकु खउलुङकाम बाइडा।

थु़र्मा 17:1

पावल नुङ सिलास अम्‍फिपोलिस नुङ अपोल्‍लोनियालामका थेसलोनिके शहरडा रोक्‍ची। मेसिन्‍डा यहूदीमिमकु कोले घ्रो़म्‍दीनेम बाइडा।

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

थु़र्मा 2:9

गुइ आसिन्‍डा पार्थीमिम, मादीमिम, एलामीमिम, मा मेसोपोटामियाडाम, यहूदियाडाम, कापाडोकियाडाम, पोन्‍टसडाम नुङ एशियाडा बाट्‌पा बुइ।

लूका 8:22

कोलेम येशू उनी सीसिपामिमनुङ कुबी-बोक्‍साडला हुम्‍डी, मा उनी सीसिपामिमलाई र्‍वाम्‍डी, “दो, गुइ दिरिदिनकु होनोहोम्‍बुनो लक्‍सी।” मेकोतिमा मेर्मिम लाम्‍दिमु चो़म्‍मिडी।