थु़र्मा 27:13 - थुलुङ राई

¹³ रायलालामका जु वाखावा फुन्‍मु चो़म्‍डु़। मेर्मिम खोत्‍लेका आथा ने गुइ लमु चाप्‍सी र्‍वाक्‍पा मिम्‍सिसाका मेर्मिमका हाम्‍बेट्‌मिडिमा जु़ल्‍मिडिम लङ्‍गर थाट्‌मिडी। मेकोतिमा डोक्‍पु कुबी-बोक्‍सा क्रेटकु सो़पभाल थो़मु चो़म्‍मिडी।

थु़र्मा 27:13 Referans Kwoze

लूका 12:55

रायलालाम जु फुडु़मा ‘ग्‍वाल छो़’ र्‍वानी, मा ग्‍वाल छो़।

थु़र्मा 2:11

क्रेट नुङ अरबडा बाट्‌पामिम वो बुइ, मा हेसाका गुइ इकी त्‍वा-त्‍वाहोम ल्‍वाडा मेर्मिमका माम्‍चु़नीकु छो़म डोक्‍पु यु़मखारीकु दुथाम सो़मिम बुमिमिम गुइ थो़सीमिम बुइ!”

थु़र्मा 27:8

मेराम भाल चाप्‍तो-मेचाप्‍तो गुकु ‘जो़पा बन्‍दरगाह’ र्‍वाक्‍माडा रोक्‍फात्तोको। मेराम फार्डाङा लासिया शहर बाइडा।

थु़र्मा 27:12

ओराम बन्‍दरगाहडा जुनेमका बुमु मेझापामिमका हेसाका लोवो फोनिक्‍स शहरडा ङा रोक्‍थिसाका बुइ र्‍वाक्‍साका हापा सेर्पा मु़चु़का मेलामका डोक्‍पु कुबी-बोक्‍साडा लस्‍ल्‍याडी र्‍वाम्‍डी। मेकोतिमा जु थारीका मेसिन्‍डा बाम्‍डी। क्रेट टापुडाम कोले बन्‍दरगाह फोनिक्‍स बु, मेराम रायला-पश्‍चिम नुङ उत्तर-पश्‍चिमथो़ ख्‍लोसिक्‍पा बु।

थु़र्मा 27:21

मेर्मिम हापा नेम ङा हाम वो मेपेसाका बाम्‍डिम बाइडा। मेकोतिमा पावलका मेर्मिमकु ङादोडा येम्‍स्‍तामा आरे र्‍वाक्‍ता, “ङोप्‍सो़नी, गानी गो र्‍वाङडोम थो़निवामा क्रेट टापुलाम डोक्‍पु कुबी-बोक्‍सा मेथो़निवा माला, गानी आरेप्‍माम दु़खा मेल्‍वानिवा मा इनीमा हाम वो मेदाम्‍सावा।

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

तीतस 1:12

क्रेट टापुडा बाट्‌पा मेर्मिमकु माम्‍चु़नीलाम-जेपा कोले मु़चु़का वो मेर्मिमकु दुथाम आरे र्‍वाक्‍ताम बु: “क्रेटडाम खोत्‍ले मु़चु़मिम लिमा थेट्‌पा, सो़ब्‍दीडाम ङिमलु़पा हादीबारामिम होप्‍माम, मा भ्रेपा पोमसामिम सो़।”