थु़र्मा 27:1 - थुलुङ राई

¹ दिरिदिनलामका गुकु इटालिया नेब्‍दी लमु बासी र्‍वाक्‍पा मुलु़ दु़स्‍ता। मेकोतिमा मेर्मिमका पावल नुङ याङ चक्‍मामिमलाई हप अगस्‍तकु सेनामिमगोडाम युलियस कप्‍तानकु ल्‍वाड्‌डा ग्‍वाम्‍डी।

थु़र्मा 27:1 Referans Kwoze

थु़र्मा 25:25

लावो सिमु बासिक्‍पा मेजो़पा खारी ओरामका हाम वो बु़डु़म गो मेडारुवा। मेकोतिमा उ त्‍वाका ङा वो रोमी हपका निया बोङसाङमिनु़ र्‍वाक्‍तामका, गो ओरामलाई मेसिन्‍डा थु़र्मु मुलु़ बेउतो।

थु़र्मा 25:12

मेकोतिमा किब्‍दी साखामचो़ फेस्‍तसका मुलु़बोमु ख्‍लो़पामिमनुङ ल्‍वा हिलाबु़डु़मा र्‍वाक्‍ता, “गाना रोमी हप कैसरकाडा लमु न बेन्‍नामका गाना कैसरकाडा ङा लना।”

थु़र्मा 10:1

कैसरिया शहरडा कर्नेलियस नङकाम कोले मु़चु़ बाइडा। गु इटालिया र्‍वाक्‍मा पल्‍टनडाम कोङ कप्‍तान बाइडा।

थु़र्मा 27:11

लावो पावलका र्‍वाक्‍ताम ल्‍वाडा कप्‍तानका थो़रमेलु़साका डोक्‍पु कुबी-बोक्‍सा थो़पा नुङ डोक्‍पु कुबी-बोक्‍साकु मु़चु़का र्‍वाक्‍चिम ल्‍वाडा हापा थो़र बु़डु़।

थु़र्मा 18:2

गुका मेसिन्‍डा पोन्‍टसडा बाट्‌पा अकिलास र्‍वाक्‍मा यहूदीलाई डार्रु़। हप क्‍लौडियसका खोत्‍ले यहूदीमिमलाई रोमलामका लुनिमा लक्‍नी बु़डु़मिमका अकिलास उ नाइमे प्रिस्‍किलानुङ इटालियालामका रोक्‍चिम बाइडा। पावल मेर्चिपनुङ घ्रो़म्‍डा लस्‍ता,

हिब्रू 13:24

मण्‍डलीडाम खोत्‍ले ङाचो़मिम नुङ माम्‍चु़नीकु खोत्‍ले मु़चु़मिमलाई आकीमा सेव र्‍वाक्‍साट्‌किनी। इटालियालाम रोक्‍पा वा-ल्‍वाकमिमका वो गानीलाई सेव र्‍वाम्‍सोम्‍डिम बु।

थु़र्मा 28:16

गुकु रोमडा रोक्‍तोको, मा पावललाई उ त्‍वाप ङा बुमु ग्‍वाम्‍डी। लावो कोले सिपाहीका गुलाई रेप्‍थाल्‍लु़।

थु़र्मा 27:43

लावो कप्‍तानका पावललाई बोमु-थार्मु न बु़डु़मका सिपाहीमिमलाई मेम बोमुडाम भोप्‍डु़मी। मेकोतिमा वाकु बोमु थेट्‌पा-थेट्‌पा ङादोङा डोक्‍पु कुबी-बोक्‍सालामका प्रोक्‍निमा पाखानो लुक्‍नी बु़डु़मी।

थु़र्मा 27:6

मेसिन्‍डा कप्‍तान युलियसका अलेक्‍जेन्‍ड्रिया शहरलामका इटालिया नेब्‍दी लक्‍पा कोङ डोक्‍पु कुबी-बोक्‍सा डार्स्‍तु़मा मेरामडा गुकुलाई थु़र्सोक्‍तिकी।

थु़र्मा 24:23

मेकोतिमा फेलिक्‍सका कप्‍तानलाई बु़डु़, पावललाई इमा फारफार बे, मेकोति मेबथाडा, उमा ङोप्‍सो़मिमका गुलाई चाहेदु़म्‍पा हाम-हुम कोर्मिलो मेभोप्‍डामी।

थु़र्मा 23:17

मेकोतिमा पावलका कप्‍तानमिमगोडाम कोलेलाई येड्‌डु़मा र्‍वाक्‍ता, “ओराम स्‍वालालाई इनीमा कमाण्‍डरकाडा सोन्‍थिट्‌नी, हेङालोने ओरामका गुमीनुङ कोसि-नक्‍सि जेमु बासिक्‍पा बु।”

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 22:26

कप्‍तानका ओराम थो़स्‍तु़मा उनी कमाण्‍डरकाडा लस्‍तामा आरे र्‍वाक्‍ता, “गानी हाम बोमु खाम्‍निमिम? ओराम ने रोमी नागरिक रेछा!”

थु़र्मा 21:32

गुका सिपाहीमिम नुङ कप्‍तानमिम रेड्‌डु़मिमा ओन्‍तो मेसिन्‍डा रोक्‍ता। मेर्मिमका कमाण्‍डर नुङ सिपाहीमिम ल्‍वाम्‍डिमा पावललाई याल्‍मु डिट्‌मिडी।

थु़र्मा 19:21

ओर्मिम ल्‍वा दु़स्‍ताम चङडा पावलका माकेडोनिया नुङ अखैया दु़म्‍तो यरूशलेम लक्‍पा मुलु़ बु़डु़। गुका र्‍वाक्‍ता, “यरूशलेम लङुमा गो रोम शहरडा वो लमु बासी।”

थु़र्मा 16:10

पावलका ओराम मिक्‍सीलाम ल्‍वास्‍तु़म चङडा गुकु माकेडोनिया लक्‍पा मुलु़ बेथाक्‍तोको। मेसिन्‍डाम मु़चु़मिमलाई जो़पा-सेला थो़बेन्‍मु माम्‍चु़नीका गुकुलाई येत्तिकिम रेछा र्‍वाक्‍पा गुकु चक्‍तोको।

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

लूका 7:2

मेसिन्‍डा रोमी कप्‍तानकु छो़म द्‌वादीबुङ कोले डु़ल्‍चो़ बाइडा। मेराम नो़डामा सिमुङा खाप्‍डु़म बाइडा।

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

थु़र्मा 28:1

गुकु जो़म-नु़मका दिरिदिनकु पाखानो लुक्‍तोकोमा मेराम टापुकु नङ माल्‍टा रेछा र्‍वाक्‍पा गुकु थेसिथेत्तोको।