थु़र्मा 26:6 - थुलुङ राई

⁶ “माम्‍चु़नीका आकीमा ङाउ-खुउमिमनुङ ङादो र्‍वाम्‍डिम ल्‍वा लथाक्‍तोमका ङा गो आसिन्‍डा इनीमा ङादोडा येम्‍सिमु बास्‍ताम बु।

थु़र्मा 26:6 Referans Kwoze

थु़र्मा 24:15

मेर्मिमका जो़पा खारी बेपा नुङ मेजो़पा खारी बेपा मु़चु़मिम खोत्‍ले सिमिमा बमी र्‍वाक्‍साका माम्‍चु़नीडा लम्‍थाट्‌मिमिम होम्‍साका ङा गो वो लथाक्‍पुमिम बु।

तीतस 2:13

मेम्‍मा घ्‍ल्‍वापा इकीमा माम्‍चु़नी नुङ गुइलाई सेल्‍पा येशू ख्रीष्‍टकु यु़म-झ्‍वाक्‍सी रेम्‍बेसिलो ल्‍वापा न बिमिम गेर्सी द्‌वाक्‍पा थारीकाम लागि लडिमिम बुइ।

थु़र्मा 28:20

मेम्‍मिमका गो गानीनुङ घ्रो़म्‍मुमा ल्‍वा बोमुलाई येट्‌निनिम बु। हेङालोने इस्राएलीमिमका हाम ल्‍वापा न बेम्‍डिम बाइडा, मेरामडा थो़र लु़ङडोमका ओराम सेल रिवाका गो बन्‍सिङ्‌डोम बु।”

रोमी 15:8

गो गानीनुङ र्‍वाङु, माम्‍चु़नीका यहूदीमिमलाई मेर्मिमकु बेप-पापनुङ याचे जेम्‍डिम ल्‍वा आच्‍छाङा र्‍वाक्‍साका रेम्‍बोमु लागि ख्रीष्‍ट यहूदीमिमकु डु़ल्‍चो़ दु़म्‍मिडिम सो़।

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

थु़र्मा 26:8

माम्‍चु़नीका सिपामिमलाई फमी र्‍वाक्‍पा ल्‍वा गानी हेङा थो़र मेलु़निमिम?

थु़र्मा 24:21

लावो ओर्मिमकु ङादोडा येम्‍सिङ्‌डोमा कोले ल्‍वा र्‍वाङ्‌डोम बाइडा। मेराम, ‘मु़चु़मिम सिमुलामका बम्‍गेट्‌मी र्‍वाक्‍पा ल्‍वाडा गो थो़र लु़ङुमिमका इनीमा ङादोडा हिलाहिसी बेप्‍डा रेट्‌ङिडिमिम बु’।”

थु़र्मा 3:24

“शमूएल नुङ उमा चङडा रोक्‍पा खोत्‍ले माम्‍चु़नीलाम-जेपामिमका ओर्मिम थारीकु दुथाम ङा जेम्‍डिम बु।