थु़र्मा 26:5 - थुलुङ राई

⁵ मेर्मिमका गो फरिसी बाङ्‌डो र्‍वाक्‍पा ल्‍वा माके आथामङा चम्‍डिम बु। गुकु फरिसीका यहूदी डु़म्‍ला छो़म चङको-चङको बासिक्‍साका बोकु। मेर्मिमका न सोम्‍डी माला ओराम ल्‍वाकु दुथाम गानीनुङ सो़मु चाम्‍मी।

थु़र्मा 26:5 Referans Kwoze

थु़र्मा 23:6

लावो मेराम डोक्‍पु घ्रो़म्‍दीडा याङ सदुकी नुङ याङ फरिसी बुमी र्‍वाक्‍पा पावलका चडु़मका डोक्‍पु लो़लामका आरे र्‍वाक्‍ता, “वा-ल्‍वाकनी, गो ने फरिसीकु चो़ फरिसी ङा सो़। सिपा मु़चु़ सिमुलाम बगे र्‍वाक्‍पा ल्‍वाडा थो़र लु़ङडोमका आसिन्‍डा हिलाहिसी बेप्‍डा गो रेट्‌ङिडिमिम बु।”

थु़र्मा 22:3

पावलका र्‍वाक्‍ता, “गो किलिकियाकु शहर टार्ससडा गङडोम यहूदी, लावो गमलिएललामका इकीमा ङाउ-खुउकु डु़म्‍लामिम गो चङको-चङको दु़म्‍साका सीसिङ्‌डो, मा ओराम शहरडा बर्ङोडो। आनेप गानी माम्‍चु़नीडा हाङको इनीमा सो हन्‍पा बुनी, मेकोतिङा आमा वो सो हन्‍पा बाइडा।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 24:14

लावो गो गानीनुङ र्‍वाङु, ओर्मिमका मेजो़पा मिम्‍मिमिम कोले दल र्‍वाक्‍मा लाम्‍दीडा लाम्‍दित्तोङा बेउ। गो आकी ङाउ-खुउमिमकु माम्‍चु़नीकाम सो़रलोले बेउ, मा मोशाकु डु़म्‍लाडा नुङ माम्‍चु़नीलाम-जेपामिमकु खाजेमडा र्‍याक्‍मा खोत्‍ले ल्‍वामिमडा थो़र बेउ।

थु़र्मा 15:5

फरिसीमिमगोडाम चङडा थो़रलु़पा दु़म्‍पामिम कोङनिमका बम्‍डिमा र्‍वाम्‍डी, “वाङसामामिमकाम खिरिरि-क्रिप्‍सी दु़म्‍मु बासी, मा मेर्मिमलाई मोशाकु डु़म्‍ला होम्‍साका दोबेन्‍मुमि बासी।”