थु़र्मा 26:23 - थुलुङ राई

²³ मेर्मिमका आरे दु़म र्‍वाम्‍डिम बाइडा, ख्रीष्‍ट सिमु ङा बासी, मा सिमुलाम बग्‍गेट्‌पामिमडाम ङादोम दु़म्‍साका गुमीका यहूदीमिम नुङ वाङसामामिमलाई माम्‍चु़नीकु ओल होप्‍माम सिजेमकु दुथाम सो़मी।”

थु़र्मा 26:23 Referans Kwoze

लूका 24:26

यु़म-झ्‍वाक्‍सी डार्मु ङादो हाम ख्रीष्‍टका खोत्‍ले उ दु़खा इम्‍मु बासिक्‍पा मेबायावा मा?”

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

कलस्‍सी 1:18

ख्रीष्‍ट मण्‍डली थो़पा बुइ बुमी, मे मण्‍डली उनीमा रो़म सो़। ख्रीष्‍टका लाले नु़सी ग्‍वाक्‍सामी। सिमुलाम बग्‍गेट्‌पा मा आथावो मेसिपा गुमीङा ङादोम सो़। मेम्‍मिमका खोत्‍लेकु डलाम गुमी ङा सो़।

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

१ कोरिन्थी 15:3

हेङालोने गो हाम ल्‍वाउतो मेराम छो़म डोक्‍पु ल्‍वा गानीलाई ग्‍वानिनिम बु: मेराम ने माम्‍चु़नीकु सिजेमका र्‍वामिम होम्‍साका इकीमा छु़लकाम लागि ख्रीष्‍ट सिम्‍डी,

लूका 2:32

वाङसामामिम सेल्‍सिक्‍पा लाम्‍दी रेम्‍बेट्‌पा ओल नुङ इनी त्‍वाकु सामा इस्राएलीमिमकु यु़म-झ्‍वाक्‍पा ओल मेराम दु़म्‍बेट्‌निम बु।”

यूहन्‍ना 10:18

सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

थु़र्मा 26:8

माम्‍चु़नीका सिपामिमलाई फमी र्‍वाक्‍पा ल्‍वा गानी हेङा थो़र मेलु़निमिम?

थु़र्मा 13:34

मेकोतिमा येशूलाई आथा ने हाम्‍सी वो सिमु मेबासिक्‍पा बेसाका फमी र्‍वाक्‍पा ल्‍वाकु दुथाम माम्‍चु़नीका आरे र्‍वाम्‍डिम बु: ‘दाऊदलाई ङादो ग्‍वानी र्‍वाङडोम हेल्‍लो वो मेदाम्‍पा जि गो गानीगोडा थु़रु।’

थु़र्मा 3:18

ख्रीष्‍टका दु़खा ल्‍वामु बासी र्‍वाक्‍साका माम्‍चु़नीका खोत्‍ले माम्‍चु़नीलाम-जेपामिमकु सिलामका जेम्‍डिम सिजेम आरेसाका रोक्‍थिड्‌डा।

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

मत्ती 27:53

सु़लु़मलामका मेर्मिम लुम्‍डी। येशू सिमुलाम बम्‍गेम्‍डिम चङडा मेर्मिम माम्‍चु़नीकु नङका साट्‌मा यरूशलेम शहरडा लम्‍डी, मा हापा मु़चु़मिमकाडा रेम्‍बेम्‍सिम्‍डी।

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

थु़र्मा 3:24

“शमूएल नुङ उमा चङडा रोक्‍पा खोत्‍ले माम्‍चु़नीलाम-जेपामिमका ओर्मिम थारीकु दुथाम ङा जेम्‍डिम बु।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।