थु़र्मा 26:11 - थुलुङ राई

¹¹ मेकोतिमा खोत्‍ले घ्रो़म्‍दीनेमडा मेर्मिमलाई याल्‍तो ख्रीष्‍टलाई डक्‍साका जेबेत्तोमी। मेर्मिमडाम आमा छो़म छोक्‍चो बक्‍तामका मिक्‍सीका ङा मेल्‍वाउमिवा, मा वाङमिम नेब्‍दीकु शहर-शहरबाडे वो लङडोमा मेर्मिमकु छो़म उनीमा थो़मतेर्साक्‍तोमी।

थु़र्मा 26:11 Referans Kwoze

थु़र्मा 22:19

“मेकोतिमा गो गुमीनुङ र्‍वाङडो, ‘ङाचो़, गो घ्रो़म्‍दीनेम-नेमडा लङडोमा गानीडा थो़र लु़पामिमलाई झ्‍यालखानडा चक्‍तोमिम, मा याल्‍तोमिम ल्‍वा ओर्मिम खोत्‍लेका चमिमिम ङा बु।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

मत्ती 10:17

मु़चु़मिमडाम चङचङया बानी। मेर्मिमका गानीलाई अदालतमिमबाडे लनी, मा उनी घ्रो़म्‍दीनेममिमबाडे कोक्‍तेकु रिबाका याल्‍नी।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,

२ पत्रुस 2:16

लावो गुका छु़ल बु़डु़मका भुर्ला सो़सिड्‌डाम बाइडा। उ गधाका मु़चु़ होप्‍मामङा जेस्‍तामा माम्‍चु़नीलाम जेपालाई न मान्‍थिम खारी बेसीडाम भोप्‍डु़।

याकूब 2:7

इकीमा ङाचो़ येशू ख्रीष्‍टकु दुथाम मेजो़पा जेपा मेर्मिमङा सो़।

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।

लूका 15:17

“उ न छेस्‍तामा उ नड्‌डा र्‍वाक्‍ता, आमा पापका खउलुङ ग्‍वाक्‍साका रेड्‌डु़मिम मु़चु़मिमका ने खोहोम पोमिमा क्‍लेन्‍मी वो, लावो गो ने आसिन्‍डा क्रु़मका सिमुखापुमिम बु।

लूका 6:11

ओराम ल्‍वाम्‍डिमा यहूदीकु डु़म्‍ला सीपा पातु़म्‍रीमिम नुङ फरिसीमिमकाम छो़म उनी छोक्‍चो बक्‍ता, मा येशूलाई हे बिइ र्‍वाक्‍साका उनी त्‍वाप-त्‍वापडा र्‍वाबोमु चो़म्‍मिडी।

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मर्कूस 3:28

आच्‍छाङा गो गानीलाई र्‍वाङु, मु़चु़मिमकु खोत्‍ले छु़ल नुङ माम्‍चु़नीलाई डक्‍साका जेमिमिम हेम्‍सिमु चाप्‍सु़।