थु़र्मा 26:10 - थुलुङ राई

¹⁰ यरूशलेमडा गो मेम ङा बेउतो। डोक्‍पु डु़म्‍लाचो़मिमलामका साखाम ल्‍वासाका थो़रलु़पामिम हापालाई गो झ्‍यालखानडा चक्‍तोमी। मेर्मिमलाई सेट्‌मिडिलो गो वो मे सेट्‌पामिमलाम बाङसिङडो।

थु़र्मा 26:10 Referans Kwoze

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 9:21

शाऊलकु सिजेम थो़पामिम ङाङाया दु़म्‍मिडिमा र्‍वाम्‍डी, “यरूशलेमडा येशूकु नङ रपा मु़चु़मिमलाई सेन्‍मु माल्‍पा मु़चु़ ओराम ङा मेएँ डे? मा आसिन्‍डा वो मेर्मिमलाई बसाका डोक्‍पु डु़म्‍लाचो़मिमकाडा लमु लागि रोक्‍ताम ने मेएँ?”

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

थु़र्मा 9:26

शाऊल यरूशलेमडा रोक्‍तामा मेसिन्‍डाम सीसिपामिमनुङ ङोल्‍सिमु न बु़डु़, लावो गु आच्‍छाङा सीसिपा र्‍वाक्‍साका थो़र मेलु़मिवामका मेर्मिम खोत्‍लेङा छो़म ङिम्‍डी।

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

थु़र्मा 7:58

मेर्मिमका स्‍तिफनसलाई शहरलामका पाखा ख्‍लुम्‍डी, मा गुलाई सेन्‍मु लागि लुङका ओम्‍मु चो़म्‍मिडी। मेकोतिमा स्‍तिफनसकु कोर्थो़लाम लिमा थेट्‌पामिमका उनी हुम-येमिम शाऊल नङकाम कोले स्‍वालाकु खेलफार्डा जु़ल्‍मिडी।

रेम्‍बेट्‌मिडिम ल्‍वा 17:6

मे मेसेम माम्‍चु़नीकु मु़चु़मिमकु सिसि नुङ येशूडा थो़र बेम्‍डिमका सेट्‌मिडिम मु़चु़मिमकु सिसिका सेड्‍डु़म गो ल्वाउतो। मेराम मेसेमलाई ल्वाउतोमा गो छो़म ङाङाया दु़म्‍ङोडो।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

थु़र्मा 9:41

पत्रुसका तबीता उ ल्‍वाड्‌डा झेड्‌डु़मा हुफक्‍तु़। मेकोतिमा थो़रलु़पामिम नुङ अर्दोमेमिमलाई येड्‌डु़मिमा तबीता नु़पाङा रेम्‍बेड्‌डु़मी।

थु़र्मा 9:32

पत्रुस खोत्‍लेथो़ खिर्सिक्‍तो लुड्‍डाडाम थो़रलु़पामिमकाडा वो रोक्‍फाड्‌डा।