थु़र्मा 25:7 - थुलुङ राई

⁷ पावल मेसिन्‍डा रोक्‍तामा यरूशलेमलामका रोक्‍पा यहूदीमिम उ होनोलाम-आथो़लाम येम्‍सिम्‍डी, मा मेर्मिमका पावललाई हापा ङा मुमा बेट्‌मिडी। लावो मे मुमा बेट्‌मिडिम ल्‍वा आच्‍छाङा र्‍वाक्‍पा रेम्‍बोमु मेचाप्‍मिवा।

थु़र्मा 25:7 Referans Kwoze

थु़र्मा 24:13

ओम्‍लो गोलाई मुमा बेन्‍ङिमिमिम ल्‍वाकु दुथाम वो ओर्मिमका आच्‍छाङा र्‍वाक्‍पा हाम वो रेम्‍बोमु मेचाम्‍मी।

थु़र्मा 25:24

किब्‍दी साखामचो़ फेस्‍तसका र्‍वाक्‍ता, “हप अग्रिपास, मा आसिन्‍डा बाट्‌पा खोत्‍ले वा-ल्‍वाकनी, गानी ओराम मु़चु़लाई ल्‍वानी, ओरामकु कोर्थो़लाममिम मेजो़पा ल्‍वा खोत्‍ले यहूदीमिमका यरूशलेमडा नुङ आसिन्‍डा आमाडा रेट्‌मिडी। मेर्मिमका ओरामलाई सेन्‍मु बासी र्‍वाम्‍डिमा येम्‍डिम बाइडा।

लूका 23:10

मेकोतिलोङा ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिम बम्‍डिमा येशूलाई मुमा बेन्‍मु चो़म्‍मिडी।

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

थु़र्मा 21:28

मेकोतिमा मेर्मिम आरे र्‍वाक्‍तो येम्‍डी, “इस्राएलडाम वा-ल्‍वाकनी, ख्‍लो़किनी! मु़चु़मिमलाई बान्‍तेमेनो इकीमा सामा, इकीमा डु़म्‍ला मा इकीमा सो़रनेमकु कोर्थो़लाम सीप्‍बाल्‍पा मु़चु़ ओराम ङा सो़। मेकोति कोङङा मेएँ, ओरामका ग्रीक वाङसामामिमलाई वो सो़रनेमगोडा रेड्‌डु़मी, मा माम्‍चु़नीकु सो़रनेमलाई मेसेपा दु़म्‍बेड्‌डु़म बु।”

मत्ती 15:1

येरूशलेमलाम कोङनिम फरिसीमिम नुङ यहूदीकु डु़म्‍ला सीपा पातु़म्‍रीमिम येशूकाडा रोम्‍डिमा र्‍वाम्‍डी,

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।